ئیكاردى وه‌كو باشترین یاریكه‌رێ خۆلا ئیتالیا ل سالا 2018ێ هاته‌ هه‌لبژارتن

ئیكاردى وه‌كو باشترین یاریكه‌رێ خۆلا ئیتالیا ل سالا 2018ێ هاته‌ هه‌لبژارتن

WAAR-دهۆك:

هێرشبه‌رێ‌ ئه‌رجه‌نتینی و كاپتنێ‌ یانه‌یا ئنته‌ر میلان ماورو ئیكاردی وه‌كو باشترین یاریكه‌رێ‌ خۆلا ئیتالیا ل سالا 2018 دئاهه‌نگه‌كا تایبه‌ت دا لباژێرێ‌ میلانۆ هاته‌ هه‌لبژارتن. ئیكاردی وه‌رزێ‌ بۆری ب 29 گۆلان ل پیشه‌نگا رێزبه‌ندییا گۆلكارێن كالچیۆیێ‌ ب هه‌ڤپشكی دگه‌ل هێرشبه‌رێ‌ یانه‌یا لازیۆ چیرۆ ئیمۆبێلی بداوی ئینا، هه‌روه‌سا خه‌لاتێ‌ جوانترین گۆل ژی ب گۆلا خۆ ب پانیا پێ‌ لسه‌ر سامپدۆریا ل ئاردارا بۆری بده‌ستڤه‌بر، ژ لایه‌كێ‌ دیڤه‌ یانه‌یا یوڤێنتۆس وه‌كو باشترین یانه‌ هاته‌ هه‌لبژارتن، و ماسیملیانۆ ئه‌لێگری ناسناڤێ‌ باشترین راهێنه‌ر بده‌ستڤه‌بر، و گۆلپارێزێ‌ به‌رازیلی ئه‌لیسۆن بیكێر ئه‌وێ‌ ل وه‌رزێ‌ بۆری یاری دناڤ رێزێن یانه‌یا رۆما دا دكری بناسناڤێ‌ باشترین گۆلپارێز هاته‌ خه‌لاتكرن، و هه‌ردوو یاریكه‌رێن به‌رێ‌ یێن ئیتالیا فرانچیسكۆ توتی و ئه‌ندریا پیرلۆی ئه‌وێن ناسناڤێ‌ مۆندیالا 2006 بده‌ست هه‌لبژارتییێ‌ ئیتالیا ڤه‌ بری خه‌لاتێن رێزلێنانێ‌ وه‌رگرتن، و جانلۆكا رۆكی وه‌كو باشترین دادڤان هاته‌ خه‌لاتكرن.

بابه‌تێن ب ڤێ مژارێ ڤه‌ گرێدای