ئیران پشته‌ڤانییا خوه ‌بۆ هه‌لبژارتنێن سو‌وریا دیار دكه‌ت

 

iranusuria

وار – دهۆک :

وه‌زیرێ ده‌رڤه‌یێ ئیرانێ پشته‌ڤانیا وه‌لاتێ خوه‌ بۆ هه‌لبژارتننێن سه‌رۆكاتیێ یێن سوریا دوپات كر و داخاز ژ جڤاكێ نێڤده‌وله‌تی كر هاریكار بن كو گرفتا سوریێ د چارچوڤه‌كێ دپلوماتكاری دا بهێته‌چاره‌سه‌ركرن.
هه‌روه‌سا گوت: دڤێت وه‌لاتێن رۆژئاڤا ده‌ست ژ بزاڤێن خوه‌ بۆ گوهورینان ل سوریا به‌رده‌ن ل دووڤ به‌رژه‌وه‌ندیێن خوه‌.
شیره‌تكارێ ئاخڤتنكه‌رێ په‌رله‌مانێ ئیرانێ بۆ كارێن ده‌رڤه‌، حوسێن شێخولئیسلام د جڤینه‌كێ دا گۆت: پشته‌ڤانیا وان‌ به‌رسڤه‌كه ‌بۆ ئه‌مریكا و هێزێن رۆژئاڤا كو مایتێكرنێ دكاروبارێن ناڤخویێن سوریا دا دكه‌ن.
ئه‌مریكا ژ لایێ خوه‌ڤه‌ ئه‌و هه‌لبژارتنه‌ ره‌تكرینه‌ و بریاردایه‌ هاریكاریا خوه‌ بۆ ئوپوزسیونا سوریا زێده‌ بكه‌ت و هنده‌ك ژێده‌ر ژى دبێژن كو ئوباما ده‌ستهه‌لات دایه ‌له‌شكه‌رێ ئه‌مریكا هێزێن ئوپوزسیونێ مه‌شق بده‌ت.
ئیران سوریایێ وه‌ك گرنگترین هه‌ڤپه‌یمانا خوه‌ دبینیت ل رۆژهه‌لاتا ناڤین ،بچوونا رژێما ئه‌سه‌د دێ ده‌ستهه‌لاتا وێ یا ستراتیژی ل ده‌ڤه‌رێ كێمتر بیت بتایبه‌ت دژی ئیسرائیلێ.

بابه‌تێن ب ڤێ مژارێ ڤه‌ گرێدای