ئیران.. د دو رۆژێن بهێن دا تۆرێن ئینته‌رنێتێ دێ كاركه‌نه‌ڤه‌

ئیران.. د دو رۆژێن بهێن دا تۆرێن ئینته‌رنێتێ دێ كاركه‌نه‌ڤه‌

WAAR-دهۆك:

ئه‌میندارێ جڤاتا كارێن ئه‌لكترۆنی یا ئیرانێ ئه‌ڤرۆ پێشبینی كر كو تۆرێن ئێنته‌رنێتێ كو ژبه‌ر خوه‌نیشاندانان هاتینه‌ راوه‌ستاندن دێ د دو رۆژین بهێن دا ده‌ست ب كارێ خوه‌ كه‌نه‌ ڤه‌.
ئه‌بولحه‌سه‌ن فیرۆزئابادی ئه‌ڤرۆ گۆت: تۆرێن ئێنته‌رنێتێ ل ئیرانێ دێ د دو رۆژین بهێن دا دێ ب ئاسایی ده‌ست ب كارێ خوه‌ كه‌نه‌ ڤه‌ و ره‌وش وه‌كی به‌ری خوه‌نیشاندانا ڤه‌گه‌ریت، لێ بریارا دوماهیێ بۆ ده‌زگه‌هێن ئێمناهیێ ڤه‌دگه‌ریت.
ل گۆره‌ی فیرۆزئابادی، ژبه‌ر قۆتكرنا ئینته‌رنێتێ چه‌ندین خۆدانكار تۆشی زیانێن دارایی بووینه‌ و ئه‌و دێ بزاڤێ كه‌ن وان قه‌ره‌بوو بكه‌ن.
ناڤهاتی گۆت ژی: ژبه‌ر خوه‌نیشاندانان گڤاشه‌كا مه‌زن كه‌فتبوو ل سه‌ر هێلێن ئنته‌رنێتا ئیرانێ له‌ورا پێدڤیه‌ بۆ پاشه‌رۆژێ ئه‌و هێلێن خوه‌ بهێزتر بكه‌ن.
ئیرانێ ل شه‌مبیا بووری ئنته‌رنێت ل وه‌لاتی بڕی ب مه‌ره‌ما به‌رهنگاربوونا خوه‌نیشاندانێن مه‌زن یێن ئه‌و وه‌لات ڤه‌گرتی.

بابه‌تێن ب ڤێ مژارێ ڤه‌ گرێدای