ئیران دێ ھێرشکەرێن کۆنسۆلخانەیا خوە ل بەسرا دیار کەت

ئیران دێ ھێرشکەرێن کۆنسۆلخانەیا خوە ل بەسرا دیار کەت

WAAR-دهۆك:

فەرماندارەکێ سوپایێ پاسدارێن ئیرانێ راگەھاند؛ تەھران نھا د زانیت کێ ھیرشى کۆنسۆلخانەیا وان ل بەسرا کربوو، و گۆت ل دەمەک نێزیک دێ زانیارییان لدۆر وێ یەکێ دیار کەن.
ل گۆرەی ئاژانسا تەسنیم یا ئیرانی، ئەڤرۆ عەمید محەمەد رزا یەزدی، فەرماندارێ ھێزێن پاسدارێن ئیرانێ دەربارەی سوتنا کۆنسۆلخانەیا وان د خوەنیشاندانێن خەلکێ بەسرا دا راگەھاند؛ بێ گۆمان وێ یەکێ چوو کارتێکرنەک د پەیوەندیێن دیرۆکی و ھەرێمی یێن دناڤبەرا گەلێ ئیراقێ و ئیرانێ دا پەیدا نەکرینە.
وی فەرماندارێ پاسداران ئاشکەرا ژی کر، تەھران د زانیت کیش ئالی و ل کیڤە پلانا سوتنا کۆنسۆلخانەیا وان ل بەسرا دارشت بوو و دوپات ژی کر، ل دەمەک نێزیک ئەو دێ زانیارییا بۆ گەلێ ئیراقێ و ئیرانێ ل دۆر وێ یەکێ بەلاڤکەن.
ل ئەینییا بۆری خوەنیشاندەران ل بەسرا کۆنسۆلخانەیا ئیرانێ ل ناڤچەیا ئەلبەرازعییە ل ناڤەراستا بەسرا سوت بوو. پشتی دیوارێ ئێمناھی یێ کۆنسۆلخانەیێ ژناڤبری.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.