ئیران: دێ ئاستێ پیتاندنا یۆرانیۆمی بلند كه‌ین

ئیران: دێ ئاستێ پیتاندنا یۆرانیۆمی بلند كه‌ین

WAAR-دهۆك:

ئیرانێ گه‌فا بلندكرنا ئاستێ پیتاندنا یۆرانیۆمی كر و ئه‌مریكا خواست گڤاشێن نێڤده‌وله‌تی ل سه‌ر بهێنه‌ زێده‌كرن.
ئیرانێ ب رێیا پەیڤدارێ ئاژانسا خوه‌ یا ئەتۆمی به‌ھرۆز کەمالوەندی هۆشداری دانه‌ وەلاتێن ئەورۆپی و گۆت: دڤێت وەلاتێن ئەورۆپی د ڤان ده‌هـ رۆژان دا به‌رسڤه‌كێ بۆ پاراستنا رێككه‌فتنا ئه‌تۆمی بده‌ت یان كۆمارا ئیسلامی دێ ئاستێ پیتاندنا یۆرانیۆمی بۆ سەدێ سێ پۆینت شێست و حەفتێ بلند کەت.
ئه‌مریكا هه‌ر زوو ب رێیا شیرەتکارێ جڤاتا ئاساییشا نیشتیمانی جۆن بۆلتۆنی به‌رسڤا وێ داخویانییێ دا و گۆت: ئه‌و پێنگاڤا رژێما ئیرانێ یا خرابه‌ و بۆ رووبرووبونا وێ دڤێت گڤاشێن نێڤده‌وله‌تی ل سه‌ر زێده‌ بن، سه‌رۆك دۆنالد ترامپ ب چ ره‌نگان ناهێلیت ئه‌و چه‌كێ ئه‌تۆمی بده‌ستڤه‌ بینیت.

بابه‌تێن ب ڤێ مژارێ ڤه‌ گرێدای