ئیران داخوازێ ژ بریتانیا دكه‌ت كه‌شتییا وان ئازاد بكه‌ن

ئیران داخوازێ ژ بریتانیا دكه‌ت كه‌شتییا وان ئازاد بكه‌ن

WAAR-دهۆك:

كۆمارا ئیسلامییا ئیرانێ ئه‌ڤرۆ داخواز ژ بریتانیا كر، كه‌شتییا وان ئه‌و ل سنۆرێ جه‌بل تارق گرتی، بله‌ز ئازاد بكه‌ن.
عه‌باس مۆسه‌وی، په‌یڤدارێ وه‌زاره‌تا ده‌رڤه‌یێ ئیرانێ، ئه‌ڤرۆ راگه‌هاند؛ وه‌زاره‌تا ده‌رڤه‌یا ئیرانێ بالیۆزێ بریتانیا ل ته‌هرانێ 4 جاران گازی كرییه‌و نه‌رازیبوونا خوه‌ل دۆر ده‌سته‌سه‌ركرنا كه‌شتییا وان گه‌هاندیێ، هه‌روه‌ها ژێ خواستییه‌، بله‌ز بهێت ئازاد كرن.
مۆسه‌وی گۆت: ده‌سته‌سه‌ركرنا كه‌شتیێ ژ ئالیێ بریتانیا ڤه‌، كاره‌كێ نه‌قانوونی یه‌و ره‌تكر نیازا وێ كه‌شتیێ چوونا سووریێ بیت.
ل چاری ڤێ مه‌هێ، كه‌شتییه‌كا په‌ترۆلا ئیرانێ ل به‌راڤێن جه‌بل تارق هاتییه‌ ده‌سته‌سه‌ر كرن و ل گۆری حكومه‌تا بریتانیا، وێ كه‌شتیێ كو ب ناڤێ گریس ئێك ل سه‌ره‌، نیاز هه‌بوو به‌ره‌ڤ سووریێ بچیت.

بابه‌تێن ب ڤێ مژارێ ڤه‌ گرێدای