ئیران.. خوەنیشاندان ل ژمارەکا مەزن یا باژێران دهێن کرن

ئیران.. خوەنیشاندان ل ژمارەکا مەزن یا باژێران دهێن کرن

WAAR-دهۆك:

خوەنیشاندانێن ئیرانێ ئەڤرۆ بەرفرەهـ بوون و تا نها نووچەیێ کوشتنا خوەنیشاندەرەکی هەیە.
ل گۆری مەدیا ئەرەبی و جیهانی، خوەنیشاندانێن ئیرانێ ژمارەکا مەزن یا باژێر و باژێرکان ب خوەڤە گرتینە و خوەنیشاندانێن نەرازیبوونێ ژ بلندبوونا بهایێن پانزینێ، ل تەهران، خۆزستان، بۆشەهر و هەروەسا مەشهەد و ئەهواز و سیرجان و دیسان ل سنە و بەندەرعەباس و شیراز و ئورمیێ چەندین باژێر و باژێرکێن دی دهێن کرن و ل گۆری چالاکڤانێن ئیرانی، خوەنیشاندان ل سەرانسەری ئیرانێ ل پێنجی و سێ باژێر و باژێرکان بەردەوامن.
د خوەنیشاندانێن ئیرانێ دا چەندین درووشم دژی حکوومەتێ دهێنە گۆتن و بلندکرن، ژ وان، دەستهەلاتا دکتاتۆر، لادانا حکوومەتێ و هندەک خوەنیشاندەر ب درووشمان دبێژن: سوپایێ پاسداران دەستێ خوە دانایە سەر مال و مولکێ دەولەتێ.
ژێدەر هەروەسا ئاماژە دکەن، ل باژێرێ بەهبەهان ل پارێزگەها خۆزستان، خوەنیشاندەران بەنکا ناڤەندی سۆتییە و خوەنیشاندەرەک هاتییە کوشتن.
هەر ژ بەر خوەنیشاندانێن ئیرانێ، ئیراقێ دەریێ سنۆری یێ شەلامجە ل بەرانبەر هاتوچوویا وەلاتییان داخستییە، هاتوچوویا وی دەری نها تنێ بازرگانی یە و ل گۆری حکوومەتا ئیراقێ، بریارا نەهێلانا دەربازبوونا ئیراقییان بۆ ئیرانێ، ل دووڤ داخوازا کۆمارا ئیسلامی یە.
خوەنیشاندانێن ئیرانێ ژ دوهی دەستپێ کرینە و خوەنیشاندان دژی بلندبوونا بهایێ پانزینێ نە کو سێجارکی زێدە بوویە.

بابه‌تێن ب ڤێ مژارێ ڤه‌ گرێدای