ئیران.. خوەنیشاندان ل دژی بلندبوونا بھایێن پانزینێ ھاتن کرن

ئیران.. خوەنیشاندان ل دژی بلندبوونا بھایێن پانزینێ ھاتن کرن

WAAR-دهۆك:

ل ھژمارەکا باژارێن ئیرانێ شڤێدی و ئەڤرۆ خوەنیشاندانێن مەزن دژی بلندبوونا بھایێن پانزینێ دەستپێ کرن و خەلکی داخوازا لادانا رژێمێ کر.
ب بریارا حکومەتا ئیرانێ دوھی ژ نشکەکێ ڤە بھایێن پانزینێ ل وی وەلاتی ب سێ جارکی بلندبوون و بھایێ ھەر لترەکێ ژ 12 سەنتان بۆ 36 سەنتان بلند بوو و ڤێ یەکێ خەلکێ ئیرانێ تورە کر.
وەزیرێ پەترۆلا ئیرانێ ئەڤرۆ راگەهاند؛ ئەو بریارە د بەرژەوەندیا خەلکێ کێمدەرامەت دایە، لێ خەلکی ئەو بەھانەیا حکومەتێ قەبوول نەکر و ئەڤرۆ ل چەندین باژاران خوەنیشاندانێن مەزن دەستپێ کرن و دروشمێن دژی حکومەتێ د گۆتن و ھژمارەکا خەلکی بەرپرسین حکومەتێ ب دکتاتۆر ناڤ کرن.
خەلکی ئیرانێ ئەڤرۆ سپێدێ چەندین رێکێن سەرەکی یێن تەهران و ئەسفەهان و چەندین باژارێن دی داخستن و هاتنوچوونا ترۆمبێلان راگرتیە.

بابه‌تێن ب ڤێ مژارێ ڤه‌ گرێدای