ئیران.. ئه‌و ژنا ده‌رسووك ئێخستی ب ساله‌كا زیندكرنێ هات سزادان

ئیران.. ئه‌و ژنا ده‌رسووك ئێخستی ب ساله‌كا زیندكرنێ هات سزادان

WAAR-دهۆك:

دادگه‌ها ئیرانێ بریار دا ڤیدا موه‌حه‌دی كو د نه‌رازیبوونێن پار دا ده‌رسووكا خوه‌ ئێخستبوو بۆ ده‌ما ساله‌كێ هات زیندانكرن.
پارێزه‌رێ ڤیدا موه‌حه‌دیێ ئاشكرا كر كو دادگه‌هێ بریار دا موه‌حه‌دی ب ساله‌كا زیندانكرنێ بهێته‌ سزادان ژبه‌ركو ده‌رسووكا خوه‌ ل جهه‌كێ گشتی ئێخستییه‌ و هاندان بۆ گه‌نده‌لیا ره‌وشتی كرییه‌.
ل چریا دوویێ یا پار چه‌ندین ژنێن ئیرانێ ب ئێخستنا ده‌رسووكان ل جهێن گشتی نه‌رازیبوونا خوه‌ بۆ حیجابا نه‌چاری ل ئیرانێ ده‌ربری، به‌لاڤبوونا وێنه‌یێ موه‌حه‌دیێ ل ده‌مێ ئه‌و نه‌رازیبوون ده‌ربری ل سه‌رانسه‌ری جیهانێ ده‌نگڤه‌دابوو.
ل گۆره‌ی گۆتنا پارێزه‌ری، وێ بتنێ خواستییه‌ ب رێیه‌كا سڤیل خوه‌نیشاندانێ دژی تشته‌كێ نه‌چاری بكه‌ت.

بابه‌تێن ب ڤێ مژارێ ڤه‌ گرێدای