ئیرانێ 2 پێشمه‌رگه‌یێن پارتییا ئازادیا كوردستانێ ده‌سته‌سه‌ر كرن

ئیرانێ 2 پێشمه‌رگه‌یێن پارتییا ئازادیا كوردستانێ ده‌سته‌سه‌ر كرن

WAAR-دهۆك:

پارتییا ئازادیا كوردستانێ، ده‌سته‌سه‌ركرنا 2 پێشمه‌رگه‌یێن خوه‌ ژ ئالیێ كۆمارا ئیسلامی یا ئیرانێ ڤه‌ راگه‌هاند و داخواز ژ جڤاكا نێڤده‌وله‌تی كر، رێ ل سێداره‌دانا وان بگریت.
د راگه‌هاندنه‌كێ دا پارتییا ئازادی یا كوردستانێ، پاكێ دیار كر، د چه‌ند رۆژێن بووری دا، پیشمه‌رگه‌یێن وان ژماره‌كا چالاكییان ل دژی كۆمارا ئیسلامی یا ئیرانێ كرن، وه‌ك به‌رسڤه‌كێ ل هه‌مبه‌ر كوشتنا كۆلبه‌ران و زیندانكرن و سێداره‌دانا گه‌نجێن كورد، لێ د داوی چالاكیێ دا، 2  پێشمه‌رگه‌ ب ناڤێن هۆشمه‌ند عه‌لیـپۆر و محه‌مه‌د وه‌ستا قادر، كه‌ڤتنه‌ ده‌ست هێزێن ئیرانى.
پاكێ داخواز ژ رێكخستنێن جڤاكا سڤیل و كوردێن هه‌رچار پارچه‌یێن كوردستانێ ل وه‌لاتێن ئه‌ورۆپی و ئه‌مریكا كرییه‌، ده‌ست ب چالاكیێن سڤیل بكه‌ن و ژ رایا گشتی و وه‌لاتێن رۆژئاڤا بخوازن كو رێگرییێ ل سێداره‌دانا وان پێشمه‌رگه‌یان بكه‌ن.
هه‌روه‌سا داخواز ژ جڤاكا نێڤده‌وله‌تی كر، ئیرانێ ئاگه‌هدار بكه‌ت، كو وه‌ك ئێخسیرێن شەڕی سه‌ره‌ده‌ریێ دگه‌ل وان پێشمه‌رگه‌یان بكه‌ت، به‌رۆڤاژی گه‌ر ئه‌و پێشمه‌رگه‌ بهێنه‌ سێداره‌دان، دێ تۆلا وان ل نیڤا ته‌هرانێ هێته‌ ڤه‌كرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.