ئیرانێ پێگری ب پشکەکا رێککەفتنا ئەتۆمی راگرت

ئیرانێ پێگری ب پشکەکا رێککەفتنا ئەتۆمی راگرت

WAAR-دهۆك:

کۆمارا ئیسلامی یا ئیرانێ پێگری ب پشکەکا رێککەفتنا ئەتۆمی راگرت و داخوازا پاراستنا رێککەفتنێ ژ وەلاتێن ئەورۆپی دکەت.
ئاژانسا ئیسنا یا ئیرانی ژ زارێ بەرپرسەکێ رێکخستنا هێزا ئەتۆمی یا ئیرانێ کو نەخواستییە ناڤێ خوە ئاشکرا بکەت، راگەهاند، تەهرانێ هەر ژ نها پێگری ب پشکەکا بەندێن رێککەفتنا ئەتۆمی یێن گرێدایی سنۆردارییا بەرهەمێ یۆرانیۆمێ پیتاندی و بەرهەمئینانا ئاڤا گران بۆ پێشڤەبرنا هێزا ئەتۆمی راگرتییە و موولەتا شێست رۆژی بۆ وەلاتێن ئەورۆپی بەردەوامە.
ژ ئالێێ خوەڤە، حەمید بەعیدی نەجاد، بالیۆزێ ئیرانێ ل بریتانیا داخواز ژ وەلاتێن ئەورۆپی کر، رێککەفتنا ئەتۆمی ب گاڤێن رژد رزگار بکەن نەبتنێ ب گۆتنان، ژبەر کو تا نها ئیرانێ چ مفا ژ گۆتنان نەدیتییە.

بابه‌تێن ب ڤێ مژارێ ڤه‌ گرێدای