ئیرانێ دیمه‌نێن ده‌ستبسه‌رداگرتنا كه‌شتیا بریتانیا به‌لاڤ كرن

ئیرانێ دیمه‌نێن ده‌ستبسه‌رداگرتنا كه‌شتیا بریتانیا به‌لاڤ كرن

WAAR-دهۆك:

تێله‌ڤزیۆنا ده‌وله‌تا ئیرانێ چه‌ندین دیمه‌نێن نوو ئه‌ڤرۆ به‌لاڤ كرن كو ده‌ست ب سه‌رداگرتنا كه‌شتییا بریتانی یا دوهی ژ ئالیێ پاسدارێن ئیرانی ڤه‌ نیشان دده‌ت.
ل گۆره‌ی دیمه‌نێن تێله‌ڤزیۆنا ده‌وله‌تا ئیرانێ به‌لاڤ كرین، هه‌لیكۆپته‌ره‌كا سوپایێ پاسدارێن ئیرانێ ل هنداڤی كه‌شتیا بریتانی ل ته‌نگه‌یا هۆرمز دفریت و پاشی پاسدار خوه‌ به‌رده‌نه‌ ناڤ كه‌شتیێ دا و ده‌ست بسه‌ر كۆنترۆلا وێ دا دگرن و به‌له‌مێن ئیرانێ ژی ره‌خێن وێ دگرن، ل دوماهیێ به‌ر ب به‌نده‌ره‌كێ ئیرانی ڤه‌ دبه‌ن.
به‌رپرسه‌كێ جڤاتا ده‌ستووریا ئیرانێ ئه‌و گاڤا ته‌هران وه‌ك به‌رسڤه‌كی ژبۆ گرتنا كه‌شتییا په‌ترۆلا ئیرانێ ژ ئالیێ بریتانیا ڤه‌ ل قه‌له‌م دا.
به‌ری دو حه‌فتییان بریتانیا ل جه‌به‌ل تارق كه‌شتییه‌كا كو په‌ترۆلا ئیرانێ ڤه‌دگۆهاست گرت ب سووچا وێ یه‌كێ كو دخوازیت په‌ترۆلێ بۆ سووریێ ببه‌ت.

بابه‌تێن ب ڤێ مژارێ ڤه‌ گرێدای