ئیرانێ خزمەتگوزارییا تەلەگرامێ دوبارە خستە کار

ئیرانێ خزمەتگوزارییا تەلەگرامێ دوبارە خستە کار

WAAR-دهۆك:

حکومەتا ئیرانێ فلتەر ل سەر خزمەتگازارییا تۆرا جڤاکی یا تەلەگرامی راکر کو د دەما خوەنیشاندانان دا دانابوو سەر.
ب بریارەکا حەسەن رۆحانی، سەرۆککۆمارێ ئیرانێ حکومەتا وی وەلاتی پشتی بوورینا دو ھەفتییان فلتەر ل سەر تۆرا جڤاکی یا تەلەگرامێ ل سەرانسەری وەلاتی راکر کو ژ ئەگەرا بەرفرەھبوونا خوەنیشاندانێن جەماوەری ل وی وەلاتی و رۆلێ وێ تۆرا جڤاکی د بەلاڤکرنا دەنگێ خوەنیشاندەران دا ل سەرانسەری وی وەلاتی ھاتبوو راگرتن.
د ھێتە زانین کو ھەدو تۆرێن جڤاکی یێن تەلەگرام و ئینستگرام ب بریارەکا جڤاتا بلند یا ئاسایشا ئیرانێ ھاتبوونە راگرتن کو رۆلەکێ بەرچاڤ د ڤەگوھاستنا دەنگێ نەرازیبوونێ یێن خوەنیشاندەران دا ھەبوویە.
تا نھا ژی فلتەر ل سەر ھەر ئێک ژ فەیسبووک و تویتەری ھەیە و نیزیکی 40 ملیۆن وەلاتیێن ئیرانێ ژ بۆ پەیوەندی و بازرگانیکرنێ، تۆرا جڤاکی یا تەلەگرامی بکار دئینن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.