ئیرانێ بریار دا دەرییێن سنۆری یێن د گەل هەلەبجە دا بکەتە نێڤدەولەتی

ئیرانێ بریار دا دەرییێن سنۆری یێن د گەل هەلەبجە دا بکەتە نێڤدەولەتی

WAAR- دهوك:

كۆمارا ئیسلامییا ئیرانێ بریار دا 5 دەرییێن سنۆری یێن د گەل پارێزگەھا هەلەبجە دا بکەتە دەرییێن نێڤدەولەتی یێن بازرگانی و گەشتوگۆزارێ.
کاوە عەلی، ئەندامێ جڤاتا پارێزگەھا ھەلەبجە، د بەیانەکا نڤیسکی دا راگەھاند؛ کۆمارا ئیسلامی یا ئیرانێ ب ئاوایەکی فەرمی رازی بوویە دەرییێن سنۆری یێن د ناڤبەرا پارێزگەھا ھەلەبجە و رۆژھەلاتێ کوردستانێ دا بکەتە دەرییێن سنۆری یێن نێڤدەولەتی ژبۆ كارێن بازرگانی و گەشتوگۆزارێ.
ئاماژە ژی دا؛ ھەژمارا وان دەرییان کو دکەڤنە سنۆرێ پارێزگەھا ھەلەبجە، 5 دەری نە و ئیرانێ ب نڤیسارەکا فەرمی ل دەھی مەھێ بریارا نێڤدەولەتیکرنا وان دەرییان دایە و دێ ئەو بریارە رادەستی جھێن پەیوەندیدار یێن ئیراقی و دەستەیا دەرییێن سنۆری ھێت کرن.

بابه‌تێن ب ڤێ مژارێ ڤه‌ گرێدای