ئیراق.. ھاککەرەکێ ھەژمارێن فەیسبۆکی ب 21 سالان ھاتە زیندانکرن

ئیراق.. ھاککەرەکێ ھەژمارێن فەیسبۆکی ب 21 سالان ھاتە زیندانکرن

WAAR-دهۆك:

دادگەھەکا باژارەکێ ئیراقێ گەنجەک ب بیست و ئێک سالێن زیندانێ سزا دا پشتی ب سووچا ھاککرنا ھەژمارێن فەیسبۆکی ھاتییە سوچبارکرن و ژ ئەنجامێ کارێن وی گەلەک کێشەیێن جڤاکی دروستبووینە.
دادگەھا تاوانێن واست د بەیاننامەیەکێ دا راگەھاند: پشتی چەندین سکالا ل دژی عەبدولمەلک شاکر رکابی ھاتینە تۆمارکرن کو ب ھاککرنا ھەژمارێن فەیسبۆکی یێن وەلاتییان ھاتییە سوچبارکرن و ژ ئەگەرێ کارێن وی گەلەک کێشەیێن جڤاکی ژ بەلاڤکرنا وێنە و زانیارییان پەیدابووینە، لەورا دادگەھێ بریارا سەپاندنا سزایێن بیست و ئێک سالێن زیندانێ ل سەر دا.
دیار ژی: ژی: ب دەھان سکالا ل دژی وی ھاتینە تۆمارکرن، لێ روونشتنا دادگەھێ ئەڤرۆ ل سەر سێ تاوانان بوو، لگۆرەی مادەیێ چارسەد و سیھـ یێ قانوونا سزایێن ئیراقێ دادگەھێ بۆ ھەر سکالایەکێ حەفت سالێن زیندانێ ل سەر ناڤھاتی سەپاندن کو سەرجەمێ وان دبنە بیست و ئێک سالێن زیندانێ.

بابه‌تێن ب ڤێ مژارێ ڤه‌ گرێدای