ئیراق و سووریا دێ دەرییەکێ سنۆری د ناڤبەرا خوەدا ڤەکەن

ئیراق و سووریا دێ دەرییەکێ سنۆری د ناڤبەرا خوەدا ڤەکەن

WAAR-دهۆك:

حکومەتێن ئیراقێ و سووریێ ل دۆر ڤەکرنا دەریێ سنۆریێ قائیم د ناڤبەرا ھەردو وەلاتان دا نێزیکی رێککەفتنێ بوویە.
ژێدەرەکی ژ بالیۆزخانەیا ئیراقێ ل دیمەشقێ راگەھاند؛ دانوستاندن د ناڤبەرا حکومەتا بەغدا و دیمەشقێ بۆ ڤەکرنا دەریێ سنۆریێ قائیم و بوکەمال، گەھشتینە قۆناغێن پێشکەفتی.
ژێدەری ئاشکرا ژی کر، چو راستی بۆ دانوستاندنان د ناڤبەرا حکومەتا ئیراقێ و ھێزێن سووریا دیمۆکرات ھەسەدێ بۆ ڤەکرنا دەرییەکێ سنۆری نینن.
ژێدەرێ بالیۆزخانەیا ئیراقێ ل دیمەشقێ دوپات کر، ھەردو حکومەتێن ئیراقێ و سووریێ بزاڤان دکەن دەریێ سنۆریێ قائیم دوبارە ڤەکەن و دانوستاندنێن ھەردو ئالییان گەھشتینە قۆناغێن پێشکەفتی.

بابه‌تێن ب ڤێ مژارێ ڤه‌ گرێدای