ئیراق.. كۆگه‌هه‌كا دی یا چه‌ك و ته‌قه‌مه‌نییێن حه‌شدا شه‌عبی په‌قی

ئیراق.. كۆگه‌هه‌كا دی یا چه‌ك و ته‌قه‌مه‌نییێن حه‌شدا شه‌عبی په‌قی

WAAR-دهوك:

كۆگه‌هه‌كا چه‌ك و ته‌قه‌مه‌نییان یا گرۆپه‌كا حه‌شدا شه‌عبی ل بنگه‌هێ ئه‌سمانی یێ به‌له‌د ل سنۆرێ پارێزگه‌ها سه‌لاحه‌دین په‌قی.
گۆره‌ی مه‌دیایێن ئیراقێ، ژێده‌ره‌كی ژ كه‌تیبه‌یین ئیمام عه‌لی یا سه‌ر ب حه‌شدا شه‌عبی ڤه‌ دیاركرییه‌ كو فرۆكه‌یه‌كا بێ فرۆكه‌ڤان بنگه‌هێ ئه‌سمانی یێ به‌له‌د ل سنۆرێ پارێزگه‌ها سه‌لاحه‌دین بۆمبه‌باران كرییه‌ و كۆگه‌هه‌كا چه‌ك و ته‌قه‌مه‌نیێن وێ گرۆپێ ل نێزیك بنگه‌هێ ئه‌سمانی كرییه‌ ئارمانج.
ژ ئالیێ خوه‌ڤه‌ رێڤه‌به‌رییا به‌رگرییا شارستانییا ئیراقێ راگه‌هاند: كۆگه‌هه‌كا چه‌ك و ته‌قه‌مه‌نییان یا حه‌شدا شه‌عبی ل نێزیك بنگه‌هێ سه‌ربازی ئه‌سمانی به‌له‌د ل پارێزگه‌ها سه‌لاحه‌دین په‌قی و تیمێن وان ل سه‌ر راسپارده‌یا وه‌زیرێ ناڤخوه‌ بۆ كۆنترۆلكرنا ئاگری ب رێكه‌فتینه‌.
به‌ریا چه‌ند رۆژان ژی بنگه‌هێ ئه‌لسه‌قر ل به‌غدا په‌قی و ئالیێن ئیراقی، ئسرائیل ب بۆمبه‌بارانكرنا بنگه‌هی سووچبار كربوو.

بابه‌تێن ب ڤێ مژارێ ڤه‌ گرێدای