ئیراق.. د خوه‌نیشاندانێن دوهی دا 45 كه‌س هاتن كوشتن

ئیراق.. د خوه‌نیشاندانێن دوهی دا 45 كه‌س هاتن كوشتن

WAAR-دهۆك:

د خوه‌نیشاندانێن ئیراقێ دا 45 خوه‌نیشانده‌ر پشتی سۆتنا باره‌گه‌هێ كونسلخانه‌یا ئیرانێ هاتنه‌ كوشتن و هه‌روه‌ها ب ده‌هان بریندار بوون.
ئامارێن فه‌رمی یێن سازیێن ئێمناهی و ساخله‌مییا ئیراقێ ئاشكرا كرینه‌، پشتی سۆتنا باره‌گه‌هێ كونسلخانه‌یا ئیرانێ ل باژارێ نه‌جه‌فتێ، 45 خوه‌نیشانده‌رێن ئیراقی هاتینه‌ كوشتن و هه‌روه‌ها ب ده‌هان بریندار بووینه‌.
29ـ خوه‌نیشانده‌ر ژ ئالیێ هێزێن ئێمناهیێ ڤه‌ ل نێزیكی پرا ناسریێ یا باشۆر هاتنه‌ كوشتن ده‌مێ بزاڤ كرین پرێ بگرن.
هه‌روه‌ها چار خوه‌نیشانده‌رێن دی ل به‌غدا یا پاته‌خت ل نێزیكی پرا دیجله‌، هه‌روه‌ها دوازده‌ خوه‌نیشانده‌ر ل نه‌جه‌فتێ هاتینه‌ كوشتن.
كۆمسیۆنا مافێن مرۆڤی ل ئیراقێ ئاشكرا كریه‌ ژ ده‌ستپێكا خوه‌نیشاندانان پتری سێسه‌د و پێنجی كه‌سان هاتینه‌ كوشتن، لێ ئامارێن سازیێن ساخله‌میێ ئاماژه‌ ب هه‌بوونا پتری سێسه‌د و حه‌فتێ كوشتییان كرینه‌.

بابه‌تێن ب ڤێ مژارێ ڤه‌ گرێدای