ئیراق دێ بۆریه‌كا په‌ترۆلێ ژ كه‌ركووكێ كێشیته‌ جه‌یهان

ئیراق دێ بۆریه‌كا په‌ترۆلێ ژ كه‌ركووكێ كێشیته‌ جه‌یهان

WAAR-دهۆك:

وه‌زیرێ په‌ترۆلا ئیراقێ ئه‌ڤرۆ راگه‌هاند؛ پلانه‌ك هه‌یه‌ بۆریه‌كا په‌ترۆلێ ژ كه‌ركووكێ بۆ به‌نده‌را جه‌یهان یا توركی بهێت راكێشان.
سامر غه‌زبان ئه‌ڤرۆ راگه‌هاند؛ د پلانێن وه‌زاره‌تا په‌ترۆلا ئیراقێ دا یه‌، بۆریه‌كا ڤه‌گوهاستنا په‌ترۆلێ ژ كێلگه‌هێن كه‌ركووكێ بۆ به‌نده‌رێ جه‌یهان یێ توركی بهێت راكێشان و گۆت: وێ بۆرییێ دێ شیانێن ڤه‌گوهاستنا ملیۆن به‌رمیلان د رۆژه‌كێ دا هه‌بیت.
ئاماژه‌كر، گۆتوبێژێن وه‌زاره‌تا په‌ترۆلێ دگه‌ل كۆمپانییا بی بی یا بریتانی بۆ پێشدابرنا كێلگه‌هێن كه‌ركووكێ و زێده‌كرنا ئاستا به‌رهه‌می به‌رده‌وامن.
ل گۆری داتایێن وه‌زاره‌تا په‌ترۆلێ، نها رۆژانه‌ سێسه‌د و هه‌شتێ هزار به‌رمیلێن په‌ترۆلێ ژ كێلگه‌هێن كه‌ركووكێ دهێن به‌رهه‌مئینان، هه‌شتێ هزار به‌رمیل ژ وی قه‌باره‌ی بۆ به‌نده‌رێ جه‌یهان دهێن هنارتن.

بابه‌تێن ب ڤێ مژارێ ڤه‌ گرێدای