ئیراق.. خوه‌نیشاندان به‌رده‌وامن و كوشتی و بریندار هه‌نه‌

ئیراق.. خوه‌نیشاندان به‌رده‌وامن و كوشتی و بریندار هه‌نه‌

WAAR-دهۆك:

خوه‌نیشاندانێن نه‌رازیبوونێ ل پرانییا پارێزگه‌هێن باشۆر و ناڤه‌راستا ئیراقێ به‌رده‌وامن، تا نها ژی دو خوه‌نیشانده‌ر ب گوللـەیێن هێزێن ئێمناهیێ هاتینه‌ كوشتن.
ل هه‌ر یه‌ك ژ پارێزگه‌هێن به‌سرا، زیقار، میسان، نه‌جه‌ف، واست و بابل، خوه‌نیشاندانێن وه‌لاتییان ل دژی خرابییا خزمه‌تگوزارییان، بێكاری و خرابییا ره‌وشا ئێمناهیێ به‌رده‌وامن، د چه‌ند ساته‌كێن بۆری دا ژی، نێزیكی 45 كه‌سان بریندار بوون، پرانییا وان ژ پۆلیسن.
خوه‌نیشانده‌ره‌كی ژی كو خه‌لكێ میسانه‌ ژیانا خوه‌ ژ ده‌ستدا و ئه‌ڤه‌ دبیته‌ دووه‌م خوه‌نشیانده‌ر د كێمتری حه‌فتییه‌كێ دا ژ ئالیێ هێزێن ئێمناهیێ ڤه‌ دهێت كوشتن.
حكومه‌تا ئیراقێ ل ده‌مه‌كی بزاڤا راگرتنا وان خوه‌نیشاندان دكه‌ت، خوه‌نیشانده‌ران پاره‌گه‌هێن چه‌ندین حزبێن ئیراقی مینا حزبا ده‌عوه‌، فه‌زیل و حزبوللا و ره‌وتا حكمه‌ سۆتینه‌.
هه‌روه‌ها ل پارێزگه‌ها نه‌جه‌ف ژی، خوه‌نیشانده‌ران ب سه‌ر فرۆكخانه‌یا نێڤده‌وله‌تییا وێ پارێزگه‌هێ دا گرت و گه‌شتێن ئاسمانی بۆ ده‌مه‌كی راگرتن.

بابه‌تێن ب ڤێ مژارێ ڤه‌ گرێدای