ئیراقێ رێککەفتنەکا 34 سالی ل گەل کۆمپانیەکا پەترۆلێ یا رۆسی ئیمزا کر

ئیراقێ رێککەفتنەکا 34 سالی ل گەل کۆمپانیەکا پەترۆلێ یا رۆسی ئیمزا کر

WAAR-دهۆك:

وەزارەتا پەترۆلا ئیراقێ رێککەفتنەکا پتری سیھـ سالان لگەل کۆمپانییەکا رۆسی ئیمزا کر ژ بۆ لێگەرییان و پێشدابرنا پەترۆلگەھا تاقە یا پارێزگەھا ئەنبارێ.
لگۆرەی بەیاننامەیەکا وەزارەتا پەترۆلا ئیراقێ، ئەوان رێککەفتنەک لگەل کۆمپانییا سترۆی ترانس گاز ئۆیل یا رۆسی ئیمزا کرییە و دەمێ رێککەفتنێ ژی سیھـ و چار سالن کو بیست و پێنج سال دێ بۆ قوناغێن بەرھەمئینان و پێشدابرنێ بیت و نەھـ سالێن دی ژی دێ بۆ لیگەریانێ بن کو لێگەریان دێ د رووبەرێ دوازدە ھزار کیلۆمەترێن چارگۆشە دا ھێتە کرن.
ژ ئالیێ خوەڤە سامر غەزبان وەزیرێ پەترۆلا ئیراقێ راگەھاند: ب پشتبەستن ب زانیاریێن دەستپێکی، د ناڤبەرا دو تا چار ملیار بەرمیلێن پەترۆلێ د وێ پەترۆلگەھێ دا ھەنە و گازا خوەرستی ژی شێست تا حەفتێ ژ سەدێ یا یەدەگێ پەترۆلگەھێ پێک دئینیت.

بابه‌تێن ب ڤێ مژارێ ڤه‌ گرێدای