ئیراقێ خوەڤەکێشانا ئێکسۆن مۆبیلێ ژ بەسرا رەت کر

ئیراقێ خوەڤەکێشانا ئێکسۆن مۆبیلێ ژ بەسرا رەت کر

WAAR-دهۆك:

ئیراقێ رەت کر کۆمپانییا ئێکسۆن مۆبیل یا ئەمریکی یا پەترۆلێ کارێن خوە ل پەترۆلگەھێن بەسرا راگرتبن و کارمەندێن خوە ڤەکێشابن.
فەیاز حەسەن نعمە، وەکلیلێ وەزارەتا پەترۆلا ئیراقێ یێ کاروبارێن دەرخستنا پەترۆلێ، راگەھاند: بەرپرسێن کۆمپانییا ئێکسۆن مۆبیل دوپات کرییە کو کارمەندێن وێ کارێن خوە ل پەترۆلگەھا قرنە یا پارێزگەھا بەسرا یا باشوورێ ئیراقێ رانەگرتینە و ل سەر ئەرکێن خوە بەردەوامن.
عاسم جیھاد، پەیڤدارێ وەزارەتا پەترۆلا ئیراقێ ژی ژ ئالییێ خوە ڤە دیار کر؛ وەزارەتا وان کار ل سەر بەردەستکرنا ژینگەھەکا ئێمناھییێ یا گونجا دکەت دا کو کۆمپانییێن جیھانی کارێن خوە بکەن و سلامەتییا کارمەندێن وان پاراستی بیت.
دوھی کەنالێ حورە یێ ئەمریکی راگەھاندبوو؛ کۆمپانیا ئیکسۆن مۆبیل فەرمانبەرێن خوە ل بەسرا ھایدار کرینە کو کارێن خوە رابگرن و دەست ب ڤەکێشانا وان کرییە.

بابه‌تێن ب ڤێ مژارێ ڤه‌ گرێدای