ئیراقێ بۆ جارا ئێکێ به‌رهه‌مئینانا كاره‌بێ گه‌هانده‌ 16 هزار مێگاواتان

ئیراقێ بۆ جارا ئێکێ به‌رهه‌مئینانا كاره‌بێ گه‌هانده‌ 16 هزار مێگاواتان

WAAR-دهۆك:

وه‌زاره‌تا كاره‌با ئیراقێ راگه‌هاند: ئه‌وان ئاستێ به‌رهه‌مئینانا ووزه‌یا كاره‌بێ ژ شازده‌ هزار میگاواتان ده‌رباز كر.
لوئه‌ی خه‌تیب، وه‌زیرێ كاره‌با ئیراقێ راگه‌هاند: ئاستێ به‌رهه‌مئینانا كاره‌بێ ل ئیراقێ گه‌هشتییه‌ زێده‌تری شازده‌ هزار و سێسه‌د میگاواتان و گه‌هشتنا ڤی ئاستی دبیته‌ ئێكه‌م جار د دیرۆكا ئیراقێ دا.
گۆت ژی: زێده‌كرنا به‌رهه‌می دێ پشته‌ڤان بیت داكو ئه‌و بشێن رۆژانه‌ د ناڤبه‌را 20 تا 24 سعه‌تان كاره‌بێ بۆ وه‌لاتییان دابین بكه‌ن.
وه‌زیرێ كاره‌با ئیراقێ زێده‌تر ئاشكه‌را كر: پلانا وان یا ئه‌ڤساله‌ ئه‌وه‌ به‌رهه‌مئینانا كاره‌بێ بگه‌هیننه‌ هه‌ژده‌ هزار میگاواتن و ئه‌ڤ ساله‌ شیان سێ هزار میگاواتن زێده‌ بكه‌ن.

بابه‌تێن ب ڤێ مژارێ ڤه‌ گرێدای