ئیتالیا.. جڤاتا پیران پێشنیازا ھەلبژارتنێن پێشوەخت رەتکر

ئیتالیا.. جڤاتا پیران پێشنیازا ھەلبژارتنێن پێشوەخت رەتکر

WAAR-دھۆك:

جڤاتا پیرێن ئیتالیا دەنگ ل سەر پێشنیازا وەرگرتنا باوەریێ ژ حکومەتی دا و ئەو پێشنیازە نەھات پەسەندکرن.
کریزا سیاسی دوبارە ل ئیتالیا دەستپێ کریە، ماتیۆ سالڤینی، وەزیرێ ناڤخوە و سەرۆکێ ھەڤپەیمانیا کەمینە د حکومەتێ دا داخواز کر جڤاتا پیران دەنگدانێ ل سەر وەرگرتنا باوەریێ ژ کابینا جۆزێپی کۆنتی و کرنا ھەلبژارتنێن پێشوەخت کر، جڤاتا پیران شڤێدی درەنگ ئەو پێشنیازە خستە بەر دەنگدانێ، لێ دەنگێن پێدڤی نەئینان.
جڤاتا پیران بریار ژی دا ل رۆژا بیستێ ڤێ مەھێ دەنگدانێ ل سەر چارەنڤێسێ جۆزێپی کۆنتی، سەرۆکێ وەزیران بکەن.
سالڤینی بەرەیکێ دژی کۆچبەران پێکئینایە و داخوازیت ب رێیا سیاسەتێن خوە حکومەتا نھا لابدەت و حکومەتەکا دژی کۆچبەران پێکبینیت، لێ بزاڤێن وی بووینە ئەگەرێ دەستپێکرنا کریزەکا نوو یا سیاسی.

بابه‌تێن ب ڤێ مژارێ ڤه‌ گرێدای