ئامه‌د.. پشتی ده‌مه‌كی ژ ده‌سته‌سه‌ركرنێ بایده‌میر هاته‌ ئازادكرن

ئامه‌د.. پشتی ده‌مه‌كی ژ ده‌سته‌سه‌ركرنێ بایده‌میر هاته‌ ئازادكرن

WAAR-دهۆک:

ئوسمان بایده‌میر په‌یڤدارێ پارتا دیموكراتیكا گه‌لان هه‌ده‌پێ، پشتی بۆ ده‌مێ چل و پێنج خولەكان هاتییه‌ ده‌سته‌سه‌ر كرن، هات ئازادكرن.
نائل قادرخان په‌یامنێری وار ل ئامه‌دێ راگه‌هاند، ئه‌ڤرۆ پۆلیسێن توركیا، ئوسمان بایده‌میر سیاسه‌تمه‌دارێ كورد و په‌یڤدارێ پارتا دیموكراتیكا گه‌لان هه‌ده‌پێ و په‌ڕله‌مانتارێ رۆحایێ، یێ وێ حزبێ، ل ئوفیسا ئامه‌دێ یا هه‌ده‌پێ ده‌سته‌سه‌ركر و پشتی چل و پێنج خولەكان و وه‌رگرتنا گۆتنێن وی، هاته‌ ئازادكرن.
پشتی هاتییه‌ ئازادكرن ژی ل هه‌مبه‌ری دادگه‌ها ئامه‌دێ بایده‌میری گۆت: ژبه‌ركو هه‌ده‌په‌ ئازادی و وه‌كهه‌ڤیێ د خوازیت و جودا ژ ده‌ستهه‌لاتێ هزر دكه‌ت و ئه‌و ژی به‌رگریێ ژ وێ سیاسه‌تێ دكه‌ن، له‌ورە ئه‌و هاتبوو ده‌سته‌سه‌ر كرن.
ئه‌ڤه‌ د ده‌مه‌كی دایه‌ كو د ل ده‌ستپێكا ڤێ هه‌فتیێ، دادگه‌ها ئامه‌دێ، ب سووچا سڤكایه‌تیكرنێ ب كارمه‌ند و پۆلیسێن ده‌وله‌تێ، بریارا ده‌سته‌سه‌ر كرنێ بۆ بایده‌میری ده‌رخستبوو.

بابه‌تێن ب ڤێ مژارێ ڤه‌ گرێدای