ئۆسلۆ بوو پایتەختا ژینگەهێ یا ئەورۆپا

ئۆسلۆ بوو پایتەختا ژینگەهێ یا ئەورۆپا

WAAR-دهۆك:

شارەدارییا پایتەختا نۆروێجێ ژبۆ رێکارێن وێ یێن پاراستنا ژینگەھێ ھاتە خەلاتکرن و ناسناڤێ پایتەختا ژینگەھێ یا ئەورۆپا پێ ھاتە بەخشین.
دوھـی د رێورەسمێن خەلاتکرنا ئۆسلۆیا پایتەختا نۆروێجێ وەک پایتەختا سالا دو ھزار و نۆزدێ یا ژینگەھێ ل سەرانسەری ئەورۆپا، شارەدارێ ئۆسلۆیێ ھۆشداری ژ خەمسارییا جیھانێ ل ھەمبەر مەترسییا گوھرینا سەقایی دان و راگەھاند: ئەنجام و بەلگەیێن گوھۆرینا سەقایی ژبۆ نفشێ نھا بەرچاڤن و ھەر نفشێ نھا یە کو شیانێن پاراستنا ژینگەھێ ژ وان گوھرینان ھەین.
گۆت ژی: ھیڤی یە خەلاتکرنا ئۆسلۆیێ ببیتە پالدەر ژبۆ رێکارێن نوو د وارێ پاراستنا ژینگەھێ دا.
شارەدارییا پایتەختا نۆروێجێ ژ بەر رێکارێن وێ یێن مینا کێمکرنا گازێن ژەھراوی و پێشڤەبرنا سیستەما ئاڤرێژان ھاتییە خەلاتکرن، ھەر نھا ژی لیسابۆنا پایتەختا پۆرتوگالێ بۆ ڤی ناسناڤی ل سالا بھێت ھاتییە دەستنیشانکرن.

 

بابه‌تێن ب ڤێ مژارێ ڤه‌ گرێدای