ئۆرهان پامۆك: حوكمه‌تا توركیا و داعش دژى كوردان رێككه‌ڤتینه‌

ئۆرهان پامۆك:  حوكمه‌تا توركیا و داعش دژى كوردان رێككه‌ڤتینه‌

وار – دهوك :

نڤیسه‌رێ ناڤدارێ توركیا و هه‌لگرێ خه‌لاتێ نۆبل یێ ئه‌ده‌بیاتێ راگه‌هاند كو ئه‌ردۆغان و داعش رێككه‌ڤتنیه‌ بۆ لێدانا كوردان و سه‌ده‌م ژى ڤه‌گه‌ڕاندن بۆ باوه‌رى نه‌مانا كوردان ب ئاكپارتى و شكه‌ستنا وێ حزبێ د هه‌لبژارتنێن بۆرى دا ل باكورێ كوردستانێ.

پامۆك د هه‌ڤپه‌یڤینه‌كێ دا بۆ رۆژنامه‌یا (لا رەپۆبلیك) یا ئیتالى گۆت: دیمه‌نێن كۆشتارا ئه‌نقه‌ره‌یێ كو كوردێن ئاشتىیخواز كرینه‌ ئارمانج ئه‌و گه‌له‌ك ئێشاندییه‌ و دبیت هه‌موو لیبرال و ئازادیخوازێن توركیا پتر نێزیكى كوردان كربن.

پامۆك گۆت ژى: ئه‌نجامێن هه‌لبژارتنێن بۆرى بوونه‌‌ سه‌ده‌م كو ئه‌ردۆغان په‌نایێ ببه‌ته شه‌ڕى دگه‌ل كوردان و ده‌ما زانى كو هه‌ر بسه‌ر ناكه‌ڤیت په‌قینێن ئه‌نقه‌ره‌ هاتنه‌ ئه‌نجامدان.

پامۆك دا زانین كو نها ره‌وشا توركیا گه‌له‌ك نه‌خۆش بوویه و خه‌لك ل سته‌نبۆلێ و باژێرێن مه‌زن نه‌وێرن ل جهێن گشتى كۆم ببن ژ ترسا ئه‌نجامدانا په‌قینان.

بابه‌تێن ب ڤێ مژارێ ڤه‌ گرێدای