ئوكراینا.. سوپا و هێزێن جوداخواز خوه‌ ژ چه‌په‌ران ڤه‌كێشا

ئوكراینا.. سوپا و هێزێن جوداخواز خوه‌ ژ چه‌په‌ران ڤه‌كێشا

WAAR-دهۆك:

سوپایێ ئوكراینا و هێزێن جوداخوازێن رۆژهه‌لاتێ ئوكرانیا ئه‌ڤرۆ چه‌كدار و چه‌كێن خوه‌ ژ چه‌په‌رێن شه‌ری ڤه‌كێشان.
بریار بوو ل حه‌فتیا بووری سوپایێ ئوكراینا و هێزێن جوداخوازێن رۆژهه‌لاتێ ئوكرانیا چه‌كدار و چه‌كێن خوه‌ ب دووریا كیلۆمه‌تره‌كێ ژ چه‌په‌رێن شه‌ری ڤه‌كێشن لێ سوپایێ ئوكراینا ب سووچا بنپێكرنان ئه‌و یه‌ك پاشخست بوو و ئه‌ڤرۆ ب فه‌رمی ده‌ست ب وێ گاڤێ كر.
پشتی سێ رۆژێن دی دێ ڤه‌كێشان ب ته‌مامی هێته‌ بجهئینان و راكرنا مینان ژ ده‌ڤه‌رێن رۆژهه‌لاتا ئوكراینا ده‌ست پێ كه‌ت.
ژ سالا 2014ێ شه‌ری د ناڤبه‌را سوپایێ حكوومه‌تا ئوكراینا و جوداخوازان ل رۆژهه‌لاتا ئوكراینا ده‌ست پێ كربوو، رۆسیا پشته‌ڤانیا جوداخوازان دكر و ب ئه‌گه‌رێ شه‌ری پتری سێزده‌ هزار كه‌س هاتنه‌ كوشتن.
ڤه‌كێشانا هێزان دێ رێ بۆ گۆپیتكه‌كی دناڤبه‌را رۆسیا و ئوكراینا و فره‌نسا و ئه‌لمانیا خوه‌ش كه‌ت بۆ بدوماهی ئینانا شه‌ری و كیێڤ دێ ده‌ستهه‌لاتێن تایبه‌ت ده‌ته‌ ده‌ڤه‌رێن رۆژهه‌لات كو زمانێ خه‌لكێ ل وان ده‌ڤه‌ران رۆسیه‌.

بابه‌تێن ب ڤێ مژارێ ڤه‌ گرێدای