ئوسمان ئۆجه‌لان: پێدڤییه‌ په‌یه‌ده‌ رێككه‌فتنا دهۆكێ بجهـ بینیت

ئوسمان ئۆجه‌لان: پێدڤییه‌ په‌یه‌ده‌ رێككه‌فتنا دهۆكێ بجهـ بینیت

وار – دهوك :

ئوسمان ئۆجه‌لان، سیاسه‌تمه‌دارێ كورد راگه‌هاند؛ پێدڤییه‌ په‌یه‌ده‌ رێككه‌ڤتنا دهۆكێ بجهبینیت و رێ بده‌ته‌ پێشمه‌رگه‌یێن رۆژئاڤا كو ڤه‌گه‌رنه و به‌رگریێ ژ ده‌ستكه‌ڤتان بكه‌ن.
برایێ رێبه‌رێ زیندانیكریێ په‌كه‌كێ عه‌بدولا ئۆجه‌لانی و سیاسه‌تمه‌دارێ كورد؛ ئوسمان ئۆجه‌لانی بۆ مالپه‌رێ فه‌رمی یێ پارتی گۆتی: پێدڤییه‌ په‌یه‌ده‌ ئالیێن دی ژی پشكداری ب رێڤه‌برنا رۆژئاڤایێ كوردستانێ بكه‌ت و پابه‌ندی رێككه‌ڤتنا خوه‌یا دهۆكێ ببیت، داكو هه‌رێما كوردستانێ ژی، به‌رده‌وام پشته‌ڤانیێ ل رۆژئاڤا بكه‌ت، لێ به‌رۆڤاژی خوه‌ سه‌پاندن و ده‌ستهه‌لاتا تاكره‌ ویانه‌، دێ زیانێ گه‌هینیته‌ رۆژئاڤایێ كوردستانێ.
گۆت ژی: هێشتا مه‌ترسییا داعشێ لسه‌ر رۆژئاڤایێ كوردستانێ هه‌یه‌، له‌و پێدڤییه‌ په‌یه‌ده‌ رێ بده‌ته‌ ده‌ربازبوونا پێشمه‌رگه‌یێن رۆژئاڤا و ب هه‌ڤرا به‌رگریێ ژ ئاخ و ده‌ستكه‌ڤتان بكه‌ن، ل هه‌مبه‌ر ژی، پێدڤییه‌ ئالیێن دی یێن كوردی ژی، رێزێ ل بیر و بوچوونێن په‌یه‌دێ بگرن.

بابه‌تێن ب ڤێ مژارێ ڤه‌ گرێدای