ئه‌ڤرۆ گۆران دێ بریارێ ل سه‌ر كۆنگره‌یا خوه‌ ده‌ت

ئه‌ڤرۆ گۆران دێ بریارێ ل سه‌ر كۆنگره‌یا خوه‌ ده‌ت

WAAR-دهۆك:

جڤاتا نشتیمانییا گۆرانێ ئه‌ڤرۆ دێ كۆم بیت ژبۆ بریار دانێ ل سه‌ر ده‌ما به‌ستنا كۆنگره‌یا خوه‌ یا نشتیمانی و هه‌لبژارتنێن ناڤخۆیی یێن ته‌ڤگه‌رێ.
له‌میا ره‌سوول په‌یامنێرا وار ل سلێمانیێ دیاركر، جڤاتا نشتیمانییا گۆرانێ ئه‌ڤرۆ ل سات ده‌هی سپێدێ كۆم دبیت و گۆتوبێژا پێشنیازێن جڤاتا گشتی یا ده‌ستنیشانكرنا ده‌ما به‌ستنا كۆنگره‌یا نشتیمانی و هه‌لبژارتنێن ناڤخۆیی یێن ته‌ڤگه‌رێ دكه‌ت.
دازانین ژی، ده‌لیڤه‌ هه‌یه‌ جڤاتا نشتیمانی د كۆمبوونا ئه‌ڤرۆ دا بریارێ بده‌ت و ژڤانێ به‌ستنا كۆنگره‌ی بده‌ت كو هاتییه‌ پێشنیاز كرن، ل مه‌ها چریا ئێك یا ئه‌ڤساله‌ بیت.
جڤاتا گشتی یا گۆرانێ دوهی سلێمانیێ كۆمببوو و ژبلی پێشنیازا به‌ستنا كۆنگره‌ی، داخواز كر لژنه‌یێن ده‌ستپێكرنا ئاماده‌كاریێن كۆنگره‌ی و هه‌لبژارتنێن ته‌ڤگه‌رێ ده‌ست ب كارێ خوه‌ بكه‌ن.
كۆمبوونا جڤاتا نشتیمانییا گۆرانێ ل ده‌مه‌كی یه‌، سوبه‌ رۆژا پێنجشه‌مبێ، ده‌ما قانوونی یا خانه‌یا راپه‌راندنا گۆرانێ كو بلندترین دامه‌زراوا وێ ته‌ڤگه‌رێ یه‌، دێ ب دوماهی هێت، گۆرانێ ژی دیاركرییه‌، ده‌ما وێ دێ تا به‌ستنا كۆنگره‌ی هێت درێژكرن.

بابه‌تێن ب ڤێ مژارێ ڤه‌ گرێدای