ئه‌ڤرۆ پشككێشانه‌… كۆمێن دهۆكێ و زاخۆیێ ژ هه‌ڤ جودانه‌

ئه‌ڤرۆ پشككێشانه‌… كۆمێن دهۆكێ و زاخۆیێ ژ هه‌ڤ جودانه‌

وار – دهۆک :

چاڤه‌ڕێیه‌ ئه‌ڤرۆ ئێكه‌تییا ته‌پاپێی یا ئیراقێ پشككێشانا وه‌رزێ 2015/2016ێ یێ خولا ئیراقێ یا ته‌پاپێی بۆ یانه‌یێن پلا نایاب ل باژێرێ به‌غدایێ بهێته‌كرن كو تێدا 20 یانه‌ دێ هێنه‌ دابه‌شكرن لسه‌ر دو كۆمان و رێنومایێن وان بڤی ره‌نگێ خوارێنه‌.
هه‌ر پارێزگه‌هه‌كا دو یانه‌ تێدابن دێ ل كۆمێن جودابن ، یانه‌یا دهۆك و زاخۆ دێ كه‌ڤنه‌ د كۆمه‌كا ژێكچوودا دا و د هه‌ڤڕكیێن كۆماندا یاریێ دگه‌ل ئێك ناكه‌ن، دیسان هه‌ر ئێك ژ نه‌فت ئه‌لوه‌سه‌ت قاره‌مانا وه‌رزێ بۆری و جه‌وییه‌ خودانا رێزا دووی دێ سه‌ركێشێن كۆمێن ئێكێ و دووێ بن، تیمێن شورته‌، ته‌له‌به‌ وهه‌ولێر دی هێنه‌ پارڤه‌كرن لسه‌ر دو كۆمان ب مه‌رجه‌كی جه‌وییه‌ و هه‌ولێر د ئێك كۆمدابن، هه‌روه‌سان یانه‌یێن به‌غدایی، كه‌رخ وبه‌غدا دی لسه‌ر ئاستێ ئێكێ بن، نه‌فت وحدوود لسه‌ر ئاستی دووێ، و كاره‌با و سیناعه‌ لسه‌ر ئاستی سێیێ هێنه‌ پارڤه‌كرن.
یاریێن هه‌ردو كۆمان دێ ب شێوه‌یێ كه‌ڤتنا دوجاركی بن هاتن و چوون، ژ هه‌ر كۆمه‌كێ چار یانه‌ دێ ده‌ربازبنه‌ قۆناغا دوماهیێ و یاریێن ڤێ قۆناغێ ژی دی ب شێوه‌یێ هاتن وچوون بن، ده‌ستپێكا خولێ دێ ل 14 و 15ێ هه‌یڤا ئه‌یلونا بهێت ده‌ستپێكه‌ن، دیسان قاره‌مانییا كاسا ئیراقێ ژی دێ ل 5 و 6ێ هه‌یڤا چڕییا ئێكێ یا بهێت هێنه‌كرن.
ژلایه‌كێ دیڤه‌ ئێكه‌تیێ دیاركر كو دڤێت یانه‌یێن پشكدار هه‌تا 9ێ ڤی هه‌یڤێ جهێ یاریگه‌ها خۆ ده‌ستنیشانكه‌ت بۆ په‌سه‌نكرنێ.

بابه‌تێن ب ڤێ مژارێ ڤه‌ گرێدای