مه‌سروور بارزانی گه‌هشت سلێمانیێ و دگه‌ل ئێكه‌تیێ كۆم دبیت

مه‌سروور بارزانی گه‌هشت سلێمانیێ و دگه‌ل ئێكه‌تیێ كۆم دبیت

WAAR-دهۆك:

به‌ربژارێ راسپاردی بۆ پێكئینانا حكومه‌تێ ب سه‌رۆكاتییا شاندا پارتی گه‌هشت سلێمانیێ و دگه‌ل مه‌كته‌با سیاسی یا ئێكه‌تیێ كۆمبوو، بریاره‌ ژی د گه‌ل هه‌ر گۆرانێ و پارتییا سۆسیالیستا كوردستانێ دا كۆم ببیت.
له‌میا ره‌سوول په‌یامنێرا وار ل سلێمانیێ راگه‌هاند؛ ئه‌ڤرۆ مه‌سروور بارزانی ب سه‌رۆكاتییا شاندا دانوستاندكار یا پارتی بۆ پێكئینانا كابینه‌یا نوو گه‌هشت سلێمانیێ و د ئێكه‌م وه‌ستگه‌هـ دا دگه‌ل مه‌كته‌با سیاسی یا ئێكه‌تیێ كۆمبوو.
شاندا پارتی، ژ دلشاد شه‌هاب، هێمن هه‌ورامی ئه‌ندامێن سه‌ركرداتیێ و هه‌روه‌ها د. فه‌رسه‌ت سۆفی پێكهاتی یه، شاندێ ئێكه‌تیێ ژی، ژ ره‌فعه‌ت عه‌بدوللا، له‌تیف شێخ عومه‌ر، لاهۆر شێخ جه‌نگی، عیماد ئه‌حمه‌د و عه‌دنانێ حه‌مه‌ی مینا پێكهاتییه‌.
په‌یامنێرا وار دیاركر، پشتی كۆمبوونا ئێكه‌تیێ، شاندا پارتی دێ سه‌ره‌دانا پارتییا سۆسیالستا كوردستانێ و ته‌ڤگه‌را گۆرانێ ده‌ت.
مه‌سروور بارزانی و شاندا دانوستاندكار دوهی سه‌ره‌دانا مه‌كته‌با سیاسی یا پارتی كر و راگه‌هاند؛ كابینه‌یا نوو دێ د ده‌مێ قانوونی دا هێت پێكئینان و گۆت: گۆتوبێژ ل سه‌ر پۆستان ناهێن كرن، به‌لكو تنێ دێ سڤیێن به‌ربژاران هێن وه‌رگرتن.
مه‌سروور بارزانی پشتی ل چارشه‌مبا بۆری هاتییه‌ راسپاردن، داخواز ژ ئالیێن دێ پشكداری حكومه‌تێ بن كربوو، هه‌ر زوو به‌ربژارێن خوه‌ بۆ پۆستان ئێكلایی بكه‌ن.

بابه‌تێن ب ڤێ مژارێ ڤه‌ گرێدای