ئه‌ڤرۆ مه‌سروور بارزانی دێ دگه‌ل ئێكه‌تی و گۆرانێ كۆمبیت

ئه‌ڤرۆ مه‌سروور بارزانی دێ دگه‌ل ئێكه‌تی و گۆرانێ كۆمبیت

WAAR-دهۆك:

به‌ربژارێ راسپاردی بۆ پێكئینانا حكومه‌تێ ئه‌ڤرۆ دێ سه‌ره‌دانا سلێمانیێ ده‌ت و دگه‌ل هه‌ر یه‌ك ژ ئێكه‌تی، گۆرانێ و پارتییا سۆسیالیستا كوردستانێ كۆم بیت.
له‌میا ره‌سوول په‌یامنێرا وار ل سلێمانیێ راگه‌هاند؛ ئه‌ڤرۆ مه‌سروور بارزانی راسپاردیێ پێكئینانا حكومه‌تێ دێ سه‌رۆكاتییا شاندا پارتی دیمۆكراتی كوردستان بۆ سلێمانیێ كه‌ت و دگه‌ل هه‌ر یه‌ك ژ ئێكه‌تی نیشتیمانی كوردستان، ته‌ڤگه‌را گۆرانێ و پارتییا سۆسیالیستا دیمۆكراتا كوردستانێ كۆم بیت.
دیار ژی كر، ئێكه‌م كۆمبوونا شاندا پارتی ل سات یازده‌ی سپێدێ دگه‌ل مه‌كته‌با سیاسی یا ئێكه‌تیێ یه‌، د دووڤ دا شاندا پارتی دێ سه‌ره‌دانا پارتییا سۆسیالستا كوردستانێ و ته‌ڤگه‌را گۆرانێ ده‌ت.
شاندا پارتی، ژ دلشاد شه‌هاب، هێمن هه‌ورامی ئه‌ندامێن سه‌ركرداتیێ، فه‌رسه‌ت سۆفی و هه‌روه‌ها ئۆمێد خۆشناۆ سه‌رۆكێ فراكسیۆنا پارتی ل په‌رله‌مانی پێكهاتییه‌.
مه‌سروور بارزانی و شاندا دانوستاندكار دوهی سه‌ره‌دانا مه‌كته‌با سیاسی یا پارتی كر و راگه‌هاند؛ كابینه‌یا نوو دێ د ده‌مێ قانوونی دا هێت پێكئینان و گۆت: گۆتوبێژ ل سه‌ر پۆستان ناهێن كرن، به‌لكو تنێ دێ سڤیێن به‌ربژاران هێن وه‌رگرتن.
مه‌سروور بارزانی پشتی ل چارشه‌مبا بۆری هاتییه‌ راسپاردن، داخواز ژ ئالیێن دێ پشكداری حكومه‌تێ بن كربوو، هه‌ر زوو به‌ربژارێن خوه‌ بۆ پۆستان ئێكلایی بكه‌ن.

بابه‌تێن ب ڤێ مژارێ ڤه‌ گرێدای