ئه‌و حزبا به‌حرێ‌ ب ده‌رزیكێ‌ دكۆلیت

ئه‌و حزبا به‌حرێ‌ ب ده‌رزیكێ‌ دكۆلیت

شێرزاد نایف

یێ‌ ته‌ماشه‌ی نه‌خشه‌یا وه‌لاتێ‌ توركیا بكه‌ت و یا هه‌رێما كوردستانێ‌ و به‌راوردیه‌كێ‌ دروست بكه‌ت، دێ‌ جوداهیه‌كا مه‌زن بینیت ژ لایێ‌ رووبه‌ری و قه‌باره‌ی ڤه‌، هه‌تا كو مه‌ كوردێن هه‌رێما كوردستانا عیراقێ‌ …هتد، هه‌تا كو مه‌ بنێن هاونان كۆنكرین و ب خوینا گه‌نجان و قوربانیان، جینۆساید و ته‌په‌سه‌ری، ئه‌م ب زۆری گه‌هشتینه‌ ڤێ‌ قووناغا نها بێهن هه‌لكێشانه‌كا بچووك مه‌ ڤه‌دایی، ئه‌ڤرۆ ژ نوو برایێن په‌كه‌كێ‌ یێن هاتین دێ‌ ڤێ‌ ئه‌زموونێ‌ ژی ل مه‌ تێكده‌ن، پشتی كو ره‌وشا مه‌ بۆ هه‌یامه‌كێ‌ دكه‌ڤیته‌ سه‌ر سكه‌ی به‌ر ب ئارامییێ‌ و به‌رقه‌رارییا سیاسی و ئابووری ڤه‌ دچیت، یا دیاره‌ كو چه‌ندین بزاڤێن تێكدانا هه‌رێمێ‌ هاتینه‌ كرن، نه‌مازه‌ پشتی ره‌هه‌ندێن پرۆسێسا رێیفراندۆمێ‌ و فۆبیایا وێ‌ ل سه‌ر گه‌له‌ك وه‌لاتێن دوه‌روبه‌ر، گه‌له‌ك خه‌وارزمیه‌ت هه‌نه‌ كو توركیا ده‌ستێوه‌ردانێ د هه‌رێما مه‌ دا بكه‌ت، نه‌مازه‌ نها دۆخێ‌ نیڤده‌وله‌تی جیهانی و ده‌ڤه‌را مه‌ یێ‌ هه‌ستیاره‌، بگروڤه‌كێشێن ئه‌مریكا و ئیرانێ‌ و شه‌ره‌كێ‌ چاڤه‌رێكری د ئارا دایه‌، فۆكسا هه‌می جیهانێ‌ یا ل سه‌ر ڤێ‌ سێگۆشەیا گه‌رم، ب ئه‌گه‌رێ‌ وه‌رگرتنا سیسته‌مێ‌ دژه‌مۆشه‌كا s400 یا رۆسی ل ده‌ف توركیا، ئێدی به‌لانسا ئه‌مریكا گه‌هاندیه‌ رادیه‌كێ‌ نێگه‌تیڤ كو چو دیرۆكا ب ڤی رادی دژوارتر نه‌بوویه‌، نه‌دووره‌ ئه‌ردێ‌ مه‌ بكه‌نه‌ گۆره‌پانا حنگ و ده‌نگێن شه‌رێ‌ خوه‌، ئه‌ڤجا بژاره‌یا په‌كه‌كێ‌ بۆ توركیا باشترین بهانه‌یه‌ كو ده‌ستێ‌ خوه‌ بدانیته‌ سه‌ر ده‌ڤه‌را مه‌ یا ئارام و هه‌موو به‌لانسان بۆ مه‌ تێكبده‌ت، مه‌ دیت مژارا تیرۆركرنا وی به‌رپرسێ‌ كونسلخانا توركیا ل هه‌ولێر، هه‌تا ره‌نگڤه‌دانا وێ‌ ل ترابزۆنێ‌ ده‌ركه‌فتی و ئه‌و گه‌شتیارێن هه‌رێمێ‌ ئێشاندین، ئه‌و میناكه‌كا بچووكه‌ وه‌كو چریسكه‌كێ‌ كو گه‌له‌ك بوویه‌رێن وه‌سا رووبده‌ن، ئه‌ڤجا ئه‌و بوویه‌ر دا گه‌له‌كا مه‌ترسیدار بیت ل سه‌ر مه‌ هه‌كه‌ بزاڤ و هه‌ولێن سه‌رۆكێ‌ هه‌رێمێ‌ نێچیرڤان بارزانی نه‌بان و ئه‌و په‌یاما حه‌كیمانه‌ یا حوكمه‌تا هه‌رێمێ‌، دبیت دا سه‌رشه‌قێن وی ل هه‌مبه‌ری مه‌ یا تیژ و دژوار بیت، هه‌روه‌كو هه‌موو جارێن دی ژی، تێچوونا ئه‌زموونا هه‌رێما مه‌ و ئارامییا مه‌ و قه‌یرانێن ل سه‌ر مه‌ ب سیاسه‌تا خوه‌ یا نه‌رم، ده‌ڤێن هه‌می لایه‌نێن هار دگرتن، هه‌تا كو ئه‌م گه‌هاندینه‌ لۆتكه‌یا بێهنفه‌رهییێ، هه‌موو بهانه‌ و هه‌جه‌ت ل مه‌ گرتن نه‌شیان، حوكمه‌تا كوردی ژناڤببه‌ن، به‌لێ‌ په‌كه‌كه‌ یا بوویه‌ دوماهی بەهانه‌ كو شلقێن وێرانكار ل مه‌ بده‌ن، یا باش هه‌موو خه‌لكێ‌ مه‌ ڤێ‌ ئێكێ‌ بزانیت، هه‌كه‌ ل تێلا هه‌ستیار یا نه‌ته‌وبوونێ‌ بده‌ن، دبێژن بلا دلێن مه‌ و عاتیفه‌ و دلۆڤانیا مه‌، ل سه‌ر مێشكی و حیكمه‌تێ‌ ب ئه‌قل زال نه‌بیت، بلا عاتیفه‌ و دلۆڤانیبرن نه‌بیته‌ كه‌یسه‌ك بۆ بۆراندنا حه‌زێن دوژمنێن مه‌، چونكو پشتی ئه‌وان هه‌موو رێ ل مه‌ تاقیكرین بۆ وان دیاربوو كو ب رێیا لێدانا هه‌ستا مه‌ یا دلۆڤانی بده‌ن. دیمه‌نه‌كی ل پێشچاڤێن هه‌ڤوه‌لاتیێن هه‌رێمێ‌ دروست بكه‌ن شێلی بكه‌ن، هه‌كه‌ نه‌ بۆچی په‌كه‌كه‌ نه‌شیاشیه‌ هه‌تا نها نیڤ گونده‌كێ‌ كوردستانا باكۆر بگرن، هه‌كه‌ ب ڤی ره‌نگی بكه‌ن، ئه‌و یێن دێ‌ سه‌روژنوی به‌حره‌كێ‌ ب ده‌رزیكێ‌ كۆلن! پا ئه‌ڤه‌ هنده‌ ساله‌ چ دكرن د چه‌لوچیا را؟!

بابه‌تێن ب ڤێ مژارێ ڤه‌ گرێدای