ئه‌و تشتێن د په‌یوه‌ندییا سۆزداریێ دا جهێ پووته‌دانا زه‌لامان نینن

ئه‌و تشتێن د په‌یوه‌ندییا سۆزداریێ دا جهێ پووته‌دانا زه‌لامان نینن

وار – دهۆک :

كۆمه‌كا بابه‌تان هه‌نه‌ د په‌یوه‌ندییا سۆزداریێ كو لده‌ف كچان گه‌له‌ك دگرنگن و پووته‌ى پێ دده‌ن، لێ د ده‌مه‌كى دا ئه‌و بۆ زه‌لامان گرنگ نینن و چو پووته‌ى ژى پێ ناده‌ن، ئه‌ڤه‌ ژى مانایا وێ ئێكێ نینه‌ كو نه‌ڤێن، له‌كو هه‌ر د بنه‌ڕه‌ت دا لده‌ف وان دگرنگ نینن و چو پووته‌ى پێ ناده‌ن. ژ دیارترین وان بابه‌ت و تشتان ژى، ئه‌ڤێن ل خوارێنه‌:
1ــ هه‌كه‌ر رۆژه‌كێ ل بیرا ته‌ چۆ كو ماسكه‌را زێده‌ بده‌یه‌ چاڤێن خوه‌، خوه‌ ژبه‌ر وێ ئێكێ دودل و قه‌له‌ق نه‌كه‌ن، ژبه‌ركو ئه‌و بابه‌ته‌ لده‌ف زه‌لامان هند گرنگ نینه‌ و گه‌له‌ك ژ زه‌لامان ژى كه‌سێن سروشتى و كیكیاژا ساده‌ پێ جوانه‌.
2ــ گرنگ نینه‌ لده‌ف زه‌لامان كو د وان هه‌موو وێنه‌یین تو دگرى و ب تایبه‌تى وێنه‌یێن سێلفى دا، جوان ده‌ربكه‌ڤیت، بگره‌ گه‌له‌ك جاران ره‌فتارێن شێتانه‌ و وێنه‌یێن هه‌ره‌مه‌كى لده‌ف زه‌لامان په‌سه‌ندترن هه‌كه‌ر جوان ژى ده‌رنه‌كه‌ڤن.
3ــ گه‌له‌ك جاران كو تو گۆرانكاریێ د پرچا خوه‌ دا دكه‌ى، بلا لده‌ف ئاسایى بیت كو زه‌لام هه‌ست ب وێ گۆرانكاریێ نه‌كه‌ت هه‌تا وى ده‌مێ كو تو ب خوه‌ دبێژیێ، ژبه‌ركو ئه‌ڤه‌ رامانا وێ ئێكێ نادده‌ت كو ئه‌و گرنگیێ ب ته‌ ناده‌ت.
4ــ لده‌ف زه‌لامان ئه‌و كێشه‌ نینه‌ كو تو حه‌ز لسه‌ر هه‌مان فلم یان مۆزیكێ نه‌بیت كو وى حه‌ز لسه‌ر هه‌یه‌، ئه‌ڤجا ژبه‌ر ڤێ ئێكێ پێدڤى ناكه‌ت ژبه‌ر دلێ وى بێژیێ كو ته‌ ژى حه‌ز لسه‌ر وان جۆره‌ ستران یان مۆزیكێن تایبه‌ت هه‌یه‌ كو وى حه‌ز لسه‌ر هه‌یه‌، تو ب خوه‌ د راستیێ دا چاوایى، ب وى ره‌نگى به‌، ژبه‌ركو بۆ زه‌لامى گرنگ نینه‌ حه‌ز ژ وان تشتان بكه‌ى كو ب دلێ وى بن.
5ــ پێدڤى ناكه‌ت هه‌مو جلێن جوان و گرانبها بكه‌یه‌ به‌ر خوه‌، زه‌لام گه‌له‌ك گرنگیێ ب جۆرێ جلكان ناده‌ن، هه‌ر ژبه‌ر ڤێ ئێكێ د هه‌لبژارتنا جلكان دا ئاسۆده‌ به‌.
گه‌لى ژنان، ئه‌ڤ كریار و ره‌فتارێن كو هوون بۆ بالكێشانا هه‌ڤژینێن خوه‌ دكه‌ن، ل ڤێرێ بۆ هه‌وه‌ دیار بوو كو لده‌ف وان گه‌له‌ك گرنگ نینن و هه‌ما هه‌ر پووته‌ى ژى پێ ناده‌ن، ئانكو ئه‌و پتر حه‌ز ژ تشتێن سروشتى دكه‌ن، ئه‌ڤجا ژبه‌ر ڤێ ئێكێ هوون ژى خوه‌ زه‌حمه‌ت نه‌ده‌ن ب هنده‌ك كار و ره‌فتاران ڤه‌ ب تنێ داكو بالا هه‌ڤژینێن خوه‌ رابكێشن، به‌لكو هه‌رده‌م وه‌سا ره‌فتارێ بكه‌ن كو هوون هه‌ین ئانكو سروشتێ خوه‌ ڤه‌نه‌شێرن و ب ڤێ ئێكی ژى دێ پتر ل زه‌لامێن خوه‌ نێزیك بن.

بابه‌تێن ب ڤێ مژارێ ڤه‌ گرێدای