ئه‌مریكا 106 ته‌نێن چه‌كى گه‌هاندنه‌ یه‌په‌گێ

ئه‌مریكا 106 ته‌نێن چه‌كى گه‌هاندنه‌ یه‌په‌گێ

وار – دهوك :

ویلایه‌تێن هه‌ڤگرتیێن ئه‌مریكا راگه‌هاند ١٠٦ ته‌نێن چه‌كى بۆ شه‌ڕڤانێن كورد ل رۆژئاڤاێ كوردستانێ هنارتینه‌.

په‌یڤدارێ وه‌زاره‌تا به‌رگرییا ئه‌مریكا راگه‌هاند، فرۆكه‌ێن بارهه‌لگرێن ئه‌مریكى ژ جورێ C-17 سه‌د بەندەکێن چه‌كى بۆ شه‌ڕڤانێن كورد ل باژێرێ حه‌سه‌كێ به‌رداینه‌ خوارێ كو ژ چه‌كێن سڤك یێن جودا جودا پێك دهێن.

هاته‌ زانین ژى كو چه‌كێ ئه‌مریكى بۆ فرۆكخانه‌یا سلێمانیێ هاتیه‌ ڤه‌گوهاستن و ژ وێرێ ب فرۆكه‌یه‌كا ئه‌مریكى كو هه‌ژماره‌كا فرۆكه‌یێن زێره‌ڤانیێ دگه‌ل بوون به‌ره‌ڤ رۆژئاڤایێ كوردستانێ هاته‌ ڤه‌گوهاستن.

گه‌هاندنا هاریكاریێن چه‌كى بۆ شه‌ڕڤانێن كورد ل رۆژئاڤایێ كوردستانێ د ده‌مه‌كى دایه‌ كو باس ل به‌رهه‌ڤیێن شه‌ڕێ كونترۆلكرنا باژێڕێ ره‌قه‌ دهێنه‌ كرن كو شه‌ڕڤانێن كورد دگه‌ل هه‌ژماره‌كا گرۆپ و هێزێن ناڤخۆ یێن عه‌ره‌ب ب پشته‌ڤانیا ئه‌مریكا دێ رۆلێ سه‌ره‌كى تێدا هه‌بیت.

بابه‌تێن ب ڤێ مژارێ ڤه‌ گرێدای