ئه‌مریكا: یه‌په‌گه‌ دێ ژ ده‌ڤه‌را ئارام هێته ‌دوورخستن

ئه‌مریكا: یه‌په‌گه‌ دێ ژ ده‌ڤه‌را ئارام هێته ‌دوورخستن

WAAR- دهوك:

هنارتیێ ئه‌مریكا یێ تایبه‌ت بۆ سووریێ ئاشكه‌را كر: تا نها كێشه ‌د ناڤبه‌را ئه‌مریكا و توركیا دا لدۆر ده‌ڤه‌را ئارام یا سووریێ هه‌نه‌ و یه‌په‌گه‌ دێ ژ ده‌ڤه‌را ئارام هێته‌ دوورخستن.
جێمس جێفری، د گۆتاره‌كێ دا ل په‌یمانگه‌ها ئه‌سپن یا لێكۆلینێن مرۆڤایه‌تی ل واشنتۆن گۆت: یه‌كینه‌یێن پاراستنا گه‌ل هه‌ڤپه‌یمانێن ئه‌مریكانه‌، د هه‌مبه‌ر دا توركیا ئه‌وان وه‌ك په‌كه‌كه ‌ته‌ماشه ‌دكه‌ت و دبیت خالا ناكوك د ناڤبه‌را هه‌ردو وه‌لاتان دا ل سه‌ر ڤێ چه‌ندێ بیت.
گۆت ژی: یه‌په‌گه ‌د لیستا تیرۆرێ یا ئه‌مریكا و نه‌ته‌وه‌یێن ئێكگرتی دا نینه‌، لێ توركیا دخوازیت ئه‌مریكا په‌یوه‌ندیێن خوه‌ لگه‌ل ببریت.
لدۆر رۆلێ یه‌په‌گێ ل ده‌ڤه‌را ئارام یا كو توركیا و ئه‌مریكا ل سه‌ر پێكئینانا وێ رێككه‌فتین، هنارتیێ ئه‌مریكا بۆ سووریێ ئاشكه‌را كر: یه‌په‌گه‌ دێ ژ ده‌ڤه‌را ئارام هێته‌ دوورخستن.

بابه‌تێن ب ڤێ مژارێ ڤه‌ گرێدای