ئه‌مریكا: پرسا خاشقچی كارتێكرنێ ل هه‌ڤكه‌رییا مه‌ و سعوودییێ ناكه‌ت

ئه‌مریكا: پرسا خاشقچی كارتێكرنێ ل هه‌ڤكه‌رییا مه‌ و سعوودییێ ناكه‌ت

WAAR-دهۆك:

وه‌زاره‌تا ده‌رڤه‌ یا ئه‌مریكا سوزا سزادانا كه‌سێن به‌رپرس ژ كوشتنا رۆژنامه‌ڤانێ سعوودی دا و راگه‌هاند: دێ به‌رده‌وامییێ ده‌ینه‌ هه‌ڤكه‌رییا ستراتیژی یا ل گه‌ل سعوودییێ.
ده‌یڤێد هێل، شیره‌تكارێ وه‌زاره‌تا ده‌رڤه‌ یا ئه‌مریكا د داخویانییه‌كا رۆژنامه‌ڤانی دا گۆت: ئه‌مریكا ب گرنگی ڤه‌ چاڤدێرییا لێكۆلینێن ده‌رباره‌ی پرسا كوشتنا رۆژنامه‌ڤانێ سعوودی جەمال خاشقچی دكه‌ت، عه‌ره‌بستانا سعوودییێ پێنگاڤێن باش بۆ ئاشكه‌راكرنا چاوانییا كوشتنا وی رۆژنامه‌ڤانی و كه‌سێن به‌رپرس ژ وێ كریارێ هاڤێتی نه‌ و پێدڤی یه‌ ئه‌و پێنگاڤ به‌رده‌وام بن.
ناڤهاتی ئاشكه‌را ژی كر: دبیت واشنتۆن د چوارچۆڤه‌یێ “یاسایا ماگنێتسكی” دا سه‌ره‌ده‌رییێ ل گه‌ل كه‌سێن به‌رپرس ژ كوشتنا خاشقچی بكه‌ت و د هه‌مان ده‌می ژی دا دێ به‌رده‌وامییێ ده‌ته‌ هه‌ڤكه‌رییا خوه‌ یا ستراتیژی یا ل گه‌ل ریازێ.
یاسایا ماگنێتسكی ل سه‌ر ناڤی كه‌سایه‌تییێ رۆسی “سێرگی ماگنێتسكی” ‌یێ سالا 2009ێ د زیندانه‌كا مۆسكۆیێ دا ژیانا خوه‌ ژ ده‌ستدای هاتییه ناڤكر‌، كو سالا 2012ێ سه‌رۆكێ ئه‌مریكی باراك ئۆبامای بۆ سزادانا به‌رپرسێن رۆسی یێن سووچبار ب كوشتنا ماگنێتسكی په‌سه‌ند كربوو.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.