ئه‌مریكا: دێ ل سه‌ر پشته‌ڤانیكرنا كوردستانێ به‌رده‌وام بین

ئه‌مریكا: دێ ل سه‌ر پشته‌ڤانیكرنا كوردستانێ به‌رده‌وام بین

WAAR-دهۆك:

جێگرێ سەرۆکێ ئەمریکا پەیوەندییەکا تێلەفۆنی ب سەرۆکێ هەرێما کوردستانێ کر و پشته‌ڤانییا به‌رده‌وام یا واشنتۆنێ بۆ هه‌رێما كوردستانێ دوپات كر.
مایک پێنس، جێگرێ دۆنالد ترامپ، سەرۆکێ ئەمریکا شڤێدى ب رێیا ته‌له‌فونێ په‌یوه‌ندى ب نێچیرڤان بارزانى سه‌رۆكێ هه‌رێما كوردستانێ كر و باس ل رەوشا سیاسی و ئەمنی یا دەڤەرێ، پەیوەندییێن هەولێر و بەغدا و هەماهەنگییا رووبرووبوونا تیرۆرێ کر.
سه‌رۆك نێچیرڤان بارزانى دوپاتى ل پێشڤه‌چوونا په‌یوه‌ندییێن هه‌ولێر و به‌غدایێ و باشبوونا ره‌وشا ئابوورى یا كوردستانێ كر و راگه‌هاند: هه‌رێما كوردستانێ وه‌ك هه‌رجار ئاماده‌یه‌ ل گۆره‌ى ده‌ستوورێ ئیراقێ هه‌موو كێشه‌یێن هه‌لاویستى ل گه‌ل به‌غدایێ چاره ‌بكه‌ت، هه‌روه‌ها كارێ لژنه‌یێن هه‌ڤپشك یێن هه‌رێم و ئیراقێ بۆ چاره‌كرنا كێشه‌یان ب ئه‌رێنى و باش دانان.
سه‌رۆكێ هه‌رێمێ دوپاتى ل سیاسه‌تا هه‌رێما كوردستانێ یا پاراستن و هاریكاریكرنا هه‌موو پێكهاته‌یێن ئۆلى و نه‌ته‌وه‌یى كر.
جێگرێ سه‌رۆكێ ئه‌مریكا ژى، دوپاتى ل هاریكارى و پشته‌ڤانییا به‌رده‌وام یا ئه‌مریكا بۆ هه‌رێما كوردستانێ كر و په‌سنا رۆل و قاره‌مانییا هێزێن پێشمه‌رگه‌ى كر و خوشحالیا ئیداره‌یا ئه‌مریكا ل هه‌مبه‌ر باشبوونا په‌یوه‌ندیێن هه‌رێم و ئیراقێ نیشاندا.

بابه‌تێن ب ڤێ مژارێ ڤه‌ گرێدای