ئه‌مریكا.. داخوازا پاشخستنا گۆتارا سالانه‌ ژ ترامپی هات كرن

ئه‌مریكا.. داخوازا پاشخستنا گۆتارا سالانه‌ ژ ترامپی هات كرن

WAAR-دهۆك:

سه‌رۆكا جڤاتا نوونه‌ران ل كۆنگرێسێ ئه‌مریكا ژ سه‌رۆكێ ئه‌مریكا خواست گۆتارا خوه‌ یا سالانه‌ یا كۆنگرێسی پاش بێخیت.
نانسی پێلۆسی، ئه‌ڤرۆ د نامه‌كێ دا بۆ دۆنالد ترامپ خویا كر، ژبه‌ر هه‌بوونا مه‌ترسیێن گرێدایی ئێمناهیێ، باشتره‌ ئه‌و گۆتارا خوه‌ یا كۆنگرێسی پاش بێخیت هه‌تا مژارا داخستنا پشكه‌كا حكوومه‌تێ چاره‌ دبیت.
پێلۆسیێ پێشنیازا ژڤانه‌كێ دی بۆ گۆتارا ترامپی كر كو پشتی بداویهاتنا داخستنا حكوومه‌تێ بیت و گۆت: گه‌ر ترامپ رژد بیت ل سه‌ر گۆتارا خوه‌ پێدڤییه‌ ره‌شنڤیسێ گۆتارا خوه‌ پێشوه‌خت پێشكێشی كۆنگرێسی بكه‌ت.
بریاره‌ ترامپ ل بیست و نه‌هێ ڤێ مه‌هێ ل كۆنگرێسی گۆتارا خوه‌ یا سالانه‌ پێشكێش كه‌ت د ده‌مه‌كی دا ژبه‌ر رێكنه‌كه‌فتنا وی و دیمۆكراتان ل دۆر مژارا دیوارێ سه‌ر سنۆری پشكه‌كا حكوومه‌تێ داخستی مایه‌ و كاریگه‌ری ل كارێن حكوومی كرییه‌.

بابه‌تێن ب ڤێ مژارێ ڤه‌ گرێدای