ئه‌لیسا بوو شاهجوانا قرتاج یاسالا 2019ێ

ئه‌لیسا بوو شاهجوانا قرتاج یاسالا 2019ێ

WAAR-دهۆك:

سترانبێژا لوبنانی ئه‌لیسایێ، د به‌رسڤا رێڤه‌به‌رێ فه‌ستیڤالا قرتاج دا، دیاركر كو ئه‌و دێ هه‌ر وه‌ك شاهجوانا فه‌ستیڤالێ مینیت.

هونه‌رمه‌ندا لوبنانی یا دیار ئه‌لیسایێ، به‌رسڤا موختار ئه‌ل ره‌ساع رێڤه‌به‌رێ خولا 55 یێ فه‌ستیڤالا قرتاج دا و د تویته‌كێ دا نڤێسییه‌: “خه‌لكه‌ك دهێت و دچیت، لێ ئه‌لیسا دێ هه‌ر وه‌ك شاهجوانا فه‌ستیڤالا قرتاج مینیت”.

چیرۆكا ئه‌ڤێ به‌رسڤا ئه‌لیسایێ ژ داخۆیانییه‌كا رێڤه‌به‌رێ فه‌ستیڤالێ هاتییه‌، ده‌ما د دیداره‌كا تێله‌فزیوونی دا گۆتی:”ئه‌وی ناڤێ ئه‌لیسایێ و چه‌ندین سترانبێژێن دی نه‌ دانایه‌ د لیستا سترانبێژێن فه‌ستیڤالێ دا، ژبه‌ركو ئه‌و حه‌ژ ئه‌لیسایێ و ده‌نگێ وێ ناكه‌ت”.

موختار ئه‌ل ره‌ساع گۆتبوو ژی: نه‌جوا كه‌ره‌مێ، جۆلیا بوترس و شیرین عه‌بدولوه‌هاب ده‌نگێن مه‌زنن، به‌ره‌ڤاژی ئه‌لیسایێ.

د به‌رسڤا رێڤه‌به‌رێ فه‌ستیڤالێ ژی دا، ئه‌لیسایێ ل ئه‌كاونتێ خوه‌ یێ تویته‌ری گۆتییه‌: ئه‌و شاهجوانا قرتاجێ یه‌ و دێ وه‌ها ژی مینیت.

دگه‌ل به‌لاڤبوونا ئه‌وێ تویتا ئه‌لیسایێ ژی، حه‌ژێكه‌رێن وێ پشته‌ڤانی لێكر و ره‌خنه‌ و هێرشێن دژوار كرن سه‌ر موختار ئه‌ل ره‌ساعێ رێڤه‌به‌رێ فه‌ستیڤالا قرتاج.

 

 

 

بابه‌تێن ب ڤێ مژارێ ڤه‌ گرێدای