ئه‌لمانیا ژ ئیرانێ خواست رێزێ ل داخوازیێن خوه‌نیشانده‌ران بگریت

ئه‌لمانیا ژ ئیرانێ خواست رێزێ ل داخوازیێن خوه‌نیشانده‌ران بگریت

WAAR-دهۆك:

حكوومه‌تا ئه‌لمانیا ئه‌ڤرۆ داخاز ژ ئیرانێ كر رێزێ ل خوه‌نیشاندانێن ره‌وا یێن وه‌لاتیێن خوه‌ بگریت.
ئولریك دێمه‌ر، په‌یڤدارا شیره‌تكارا ئه‌لمانیا راگه‌هاند، ئه‌وا نها ل ئیرانێ چێدبیت ده‌ربرینا نه‌رازیبوونانه‌ ژ ئالیێ خه‌لكێ ئیرانێ ڤه‌ هه‌مبه‌ری كێشه‌یێن سیاسی و ئابۆری و ئه‌و یه‌ك ژی تشته‌كێ ره‌وایه‌ و پێدڤیه‌ ده‌ستهه‌لات رێزێ لێ بگریت.
په‌یڤدارا شیره‌تكارا ئه‌لمانیا گۆت ژی: پێدڤیه‌ حكوومه‌تا ئیرانێ ب دیالۆگێ به‌رسڤا خوه‌نیشاندانان بده‌ت و رێزێ ل ئازادیا خرڤه‌بوون و ده‌ربرینێ بگریت.
ئه‌ڤه‌ د ده‌مه‌كێ دایه‌ كو سوپایێ پاسداران هۆشداری دان گه‌ر خوه‌نیشاندان بدوماهی نه‌هێن ئه‌و دێ گاڤێن ئێكلاكه‌ر دژى خوه‌نیشانده‌ران هاڤێژن.

بابه‌تێن ب ڤێ مژارێ ڤه‌ گرێدای