ئه‌لمانیا دێ ئاگرێ ئه‌مه‌زۆنێ د گۆپیتكا جی٧ دا به‌حس كه‌ت

ئه‌لمانیا دێ ئاگرێ ئه‌مه‌زۆنێ د گۆپیتكا جی٧ دا به‌حس كه‌ت

WAAR-دهۆك:

ئه‌لمانیا ئه‌ڤرۆ ده‌نگێ خوه‌ دا ل گه‌ل ده‌نگێ فره‌نسا و راگه‌هاند، ئه‌و دخوازن د گۆپیتكا ڤێ جارێ یا جی حه‌فت دا مژارا ئاگرێ ئه‌مازۆنێ به‌حسكه‌ن.
ستێفان زایبێرت، په‌یڤدارێ حكوومه‌تا ئه‌لمانیا گۆت: ئه‌نگێلا مێركل شیره‌تكارا ئه‌لمانیا ئاگرێ به‌ربوویه‌ دارستانا ئه‌مازۆنێ ب جهێ شۆكێ و ب گه‌ف دبینیت و پشته‌ڤانیا سه‌رۆكێ فره‌نسا دكه‌ت كو پێدڤیه‌ د گۆپیتكا جی حه‌فت دا ئه‌و مژار بهێته‌ گۆتوبێژ كرن.
په‌یڤدارێ حكوومه‌تا ئه‌لمانیا راگه‌هاند ژى : دارستانێن ئه‌مازۆنێ هه‌ناسه‌یا كه‌سكییا جیهانێ ینه‌.
ژ ئالیێ خوه‌ ڤه‌ ئیماونێل ماكرۆن ئه‌رۆكێ فره‌نسا ئاگرێ ئه‌مازۆنێ ب قه‌یرانه‌كا جیهانی ناڤ كربوو.
زانا دیار دكه‌ن كۆ ئه‌مازۆنێ رۆله‌كێ سه‌ره‌كی د پاقژكرنا هه‌وایێ جیهانێ دا هه‌یه‌ و گرنگیه‌كا مه‌زن هه‌یه‌ د هه‌لكێشانا گازا دوانه‌ ئۆكسیدا كاربۆنێ كو گازه‌كه‌ سه‌قایێ جیهانێ گه‌رم دكه‌ت.

بابه‌تێن ب ڤێ مژارێ ڤه‌ گرێدای