هۆله‌ندا و ئه‌لمانیا ده‌ربازبوونه‌ یورۆیا 2020ێ

هۆله‌ندا و ئه‌لمانیا ده‌ربازبوونه‌ یورۆیا 2020ێ

WAAR-دهۆك:

ھەلبژارتییێ ئەلمانیا پلێتەکا یورۆیا ٢٠٢٠ بدەستڤەبر، پشتی سەرکەڤتنەکا مەزن لسەر مێڤانا خو بیلارۆسیا تۆمارکری ب چار گۆلان بێ بەرامبەر ژ چارچووڤێ یاریێن گەرا حەفتێ یێن کۆما سێیێ . گۆلا ئێکێ یا ئەلمانیا ل خولەکا ٤١ برێکا ماتیاس جینتێر ھاتە تۆمارکرن، و لدەستپێکا نیڤا دووێ و ل خولەکا ٤٩ لیون گوریتسکای گۆلا دووێ ئینا، پشتی وێ ب شەش خولەکان ستێرا ھێلا ناڤین تونی کروسی ب شوتەکا جوان گۆلا سێیێ تۆمارکر، ل خولەکا ٧٥ بیلارۆسیا دەلیڤەیا کێمکرنا جوداھییێ ژ دەستدا دەمێ پەنەلتییەک بەرزەکری، و ل خولەکا ٨٣ کروس ڤەگەریا و گۆلا چارێ و داوییێ بو مانشافتێ تۆمارکر، ڤێ سەرکەڤتنێ خالێن ئەلمانیا گەھاندنە ١٨ خالان لرێزا ئێکێ و پلێتا یورۆیێ بدەستڤەبر.

یاریکەرێ ھێلا ناڤینا ھەلبژارتییێ ئەلمانیا تونی کروسی دیارکر کو ئەلمانیا نەیا بەربژارە ناسناڤێ یورۆیا ٢٠٢٠ بدەستڤەببەت . د داخویانیێن پشتی یارییا بیلارۆسیا دا کروسی ئاشکراکر، ھێشتا وان ئەو شارەزاییا پێدڤی وەرنەگرتییە لێ بشێوەیەکێ باش پێش دکەڤن، وبەری دەستپێکرنا یورۆیا ٢٠٢٠ دێ ئاستێ خو باش نیاسن، لێ دڤی دەمی دا ئەو دناڤ بەربژاران دا نینن . دھێتە زانین داوی جار ئەلمانیا ناسناڤێ یورۆیێ بدەستڤەبری ل سالا ١٩٩٦ بوو، و ل ٢٠٠٨ گەھشتبوو یارییا داوییێ و لسەر دەستێ ئسپانیا تووشی دوراندنێ ببو، و ل سالا ٢٠١٦ د قۆناغا پێش داوییێ دا ژ قارەمانییێ دەرکەڤتبوو.

ھەلبژارتییێ ھولەندا ژ ھەمان کوم دەربازبوو، پشتی بێی گۆل دگەل مێڤاندارا خو ھەلبژارتییێ ئیرلەندا باکۆر وەکھەڤبووی . ل خولەکا ٣٢ دەرفەتا گۆلا پێشکەڤتنێ بو ئیرلەندا پەیدابوو دەمێ دادڤانی پەنەلتییەک بو ھژمارتی، لێ کاپتنێ وێ ستیڤن داڤیس دجھئینانا وێدا یێ سەرکەڤتنی نەبوو، پشتی وێ چ ژ ئەنجامی نەھاتە گوھارتن و یاری ب وەکھەڤییا بێ گۆل بداوی ھات. بڤێ وەکھەڤییێ ھولەندایێ خالێن خو گەھاندنە ١٦ خالان دکومێ دا و دەربازبوونا خۆ مسۆگەرکر.

بابه‌تێن ب ڤێ مژارێ ڤه‌ گرێدای