ئه‌لمانیا دخوازیت رۆسیا رێگر بیت ل ده‌ستپێكرنا هێرشا ل سه‌ر ئدلبێ

ئه‌لمانیا دخوازیت رۆسیا رێگر بیت ل ده‌ستپێكرنا هێرشا ل سه‌ر ئدلبێ

WAAR-دهۆك:

وه‌زیرێ ده‌رڤه‌ یێ ئه‌لمانیا ژ رۆسیا خواست كاریگه‌رییا خوه‌ ل سه‌ر رژێما سووریێ بكاربینیت بۆ رێگرتنێ ل هێرشا مه‌زن یا سوپایێ رژێمێ ل سه‌ر داوی پێگه‌هێ ئۆپۆزسیۆنێ كو پارێزگه‌ها ئدلبێ یه‌.
هایكو ماس كو بریاره‌ ئه‌ڤرۆ د گه‌ل سێرگی لاڤرۆ، وه‌زیرێ ده‌رڤه‌ یێ رۆسیا كۆم ببیت راگه‌هاند، ئه‌لمانیا ناخوازیت چ هێرشێن مه‌زن ل ئدلبێ بهێنه‌ كرن و پێدڤییه‌ پرۆسه‌كا سیاسی ل سووریێ هه‌بیت كو گه‌ره‌نتی ب په‌نابه‌ر و ئاوارێن سووری بهێته‌ دان ڤه‌گه‌رنه‌ وه‌لاتێ خوه‌، ئه‌و دێ وی هه‌لوه‌ستی ب ئالیێ رۆسی گه‌هینیت.
ماس گۆت ژی: گه‌ر چاره‌سه‌رییا سیاسی ل سووریێ بكه‌ڤیته‌ بیاڤێ بجهئینانێ و رێ بۆ هه‌لبژارتنێن ئازاد بهێن خۆشكرن، به‌رلین ئاماده‌یه‌ بۆ ئاڤه‌دانكرنا سووریێ ئه‌ركێ سه‌ر ملێن خوه‌ بجهبینیت.
ماس دوپات كر كو ئه‌و نه‌شێن چاره‌كا هه‌رده‌می ج گه‌ل به‌شار ئه‌سه‌دی ببینن و خه‌لكێ سووریێ خوه‌ ل بن چاڤدێریا نه‌ته‌وه‌یێن ئێكگرتی دێ پاشه‌رۆژا خوه‌ دیار كه‌ن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.