ئه‌كته‌را مسرى “فاتن حه‌مامه‌” وه‌غه‌را داویێ كر

ئه‌كته‌را مسرى “فاتن حه‌مامه‌” وه‌غه‌را داویێ كر

وار – دهۆک :

شڤێدى ئه‌كته‌را ب ناڤ و ده‌نگا مسرى “فاتن حه‌مامه‌” د ژیێ “هه‌شتێ و سێ” سالیێ دا، ژ یانا خوه‌ژ ده‌ست دا.
ئه‌كته‌را مسرى، شڤێدى ب ئه‌گه‌رێ نه‌خۆشیه‌كێ ل نه‌خوشخانه‌یه‌كا باژارێ قاهیره‌وه‌غه‌را داویێ كر و بریاره‌پشتى نیڤرۆیا ئه‌ڤرۆ، د رێوره‌سمه‌كێ به‌رفره‌هـ دا، ل باژارێ “شه‌شى ئكتۆبه‌رێ” ب هێته‌ڤه‌شارتن.
“فاتن حه‌مامه‌”، ل سالا “هزار و نه‌هـ سه‌د و سیهـ و ئێكێ” ژ دایك بوویه‌و ل سالا “هزار و نه‌هـ سه‌د و چلێ” پشكدارى د ئێكه‌م فلمێ سینه‌مایى دا، د گه‌ل سترانبێژێ مسرى “محه‌مه‌د عه‌بدۆلوه‌هاب” كرییه‌.
ب درێژاهییا ژیێ خوه‌، وێ ئه‌كته‌را مسرى پشكدارى د “نوت” فلمان دا كرییه‌و ناسناڤێ “خاتینا شاشا عه‌ره‌بى” پێ هاتبوو به‌خشین.
“فاتن حه‌مامه‌”، دو جاران ژیانا هه‌ڤژینیێ، د گه‌ل ده‌رهێنه‌ر “عزه‌دین زولفه‌قار و ئه‌كته‌رێ ب ناڤ و ده‌نگ عومه‌ر شه‌ریف” پێكئینابوو.
هه‌ڤده‌م ب هه‌لكه‌ڤتا وه‌غه‌را وێ، سه‌رۆكاتییا مسرێ د به‌یانه‌كێ دا، سه‌ره‌خۆشى ل جیهانا عه‌ره‌بى و هونه‌رمه‌ندێن بوارێ سینه‌مایێ كر.

بابه‌تێن ب ڤێ مژارێ ڤه‌ گرێدای