ئه‌ردۆگان: دێ مه‌ها بهێت سیسته‌مێ ئێس 400ـێ وه‌رگرین

ئه‌ردۆگان: دێ مه‌ها بهێت سیسته‌مێ ئێس 400ـێ وه‌رگرین

WAAR-دهۆك:

سه‌رۆكێ توركیا خواست پرسا سیسته‌مێ ئێس 400ێ ل گه‌ل ئه‌مریكا چاره‌ بیت و گۆت: توركیا دێ مه‌ها بهێت وه‌رگریت.
سه‌رۆكێ توركیا ره‌جه‌ب ته‌یب ئه‌ردۆگانی د گۆتاره‌كێ دا به‌حسا رێككه‌فتنا كرینا سیسته‌مێ به‌رگرییا ئه‌سمانی یێ ئێس 400ێ ژ رۆسیا كر و راگه‌هاند: ئه‌و رێككه‌فتنه‌ ب دوماهی هاتییه‌ و توركیا ئه‌و سیسته‌مه‌ كرییه‌ و دێ مه‌ها بهێت ژی وه‌رگریت.
ئه‌ردۆگانی ده‌رباره‌ی گه‌فێن ئه‌مریكا یێن سه‌پاندنا سزایان ژی گۆت: ئه‌و دخوازیت پرسا وی سیستەمێ بەرگرییێ ب رێیا دیالۆكێ ل گه‌ل ئه‌مریكا چاره‌ بكه‌ت.
كانوونا ئێكێ یا سالا 2017ـێ توركیا رێككه‌فتنا كرینا چوار ژ وی سیستەمێ بەرگرییێ ب كۆژمێ 2 ملیار و 500 ملیۆن دۆلاران ل گه‌ل رۆسیا ئیمزا كربوو، ئه‌و یه‌كه‌ بوویه‌ سه‌ده‌ما دلگرانییا ئه‌مریكا و هه‌ڤپه‌یمانییا ناتۆیێ و واشنتۆنێ چه‌ندین جاران ب رێیا به‌رپرسێن خوه‌ گه‌فێن سه‌پاندنا سزایان ل ئه‌نقه‌ره‌ كربوون.

بابه‌تێن ب ڤێ مژارێ ڤه‌ گرێدای