ئه‌ردۆگان: توركیا دێ هێرشكه‌رێ نیوزیله‌ندا سزا ده‌ت

ئه‌ردۆگان: توركیا دێ هێرشكه‌رێ نیوزیله‌ندا سزا ده‌ت

WAAR-دهۆك:

سه‌رۆكێ توركیا ئه‌ڤرۆ هه‌می ره‌خنه‌ پشتگوهڤه‌ هاڤێتن و دوباره‌ ڤیدیۆیا هێرشا كرایست چرچ نمایشی كر و راگه‌هاند، گه‌ر نیوزیله‌ندا بدروستی هێرشكه‌ری سزا نه‌ده‌ت توركیا دێ وی سزا ده‌ت.
ره‌جه‌ب ته‌یب ئه‌ردۆگان، ئه‌ڤرۆ ل بانگه‌شا هه‌لبژارتنان ل باژارێ ئه‌رگه‌لی بۆ جارا دویێ هنده‌ك دیمه‌نێن هێرشا سه‌ر مزگه‌فتێن كرایست چرچ نماییش كرن و گۆت: ئه‌و ژ نیوزیله‌ندا دخوازن قانوونێن خوه‌ بگوهریت و هێرشكه‌ری ب دژوارترین ره‌نگ سزا بده‌ن.
ئه‌ردۆگانی هۆشداری دان گه‌ر نیوزیله‌ندا نه‌شیا هێرشكه‌ری وه‌ك پێدڤی سزا بده‌ت ب چ ره‌نگێ هه‌بیت توركیا دێ هێرشكه‌ری سزا ده‌ت.
ئه‌ردۆگان ره‌خنه‌یێن پتر كرن و گۆت: نیوزیله‌ندا و ئوسترالیا ل شه‌رێ جیهانیێ ئێكێ سه‌رباز هنارتبوونه‌ ئۆپه‌راسیۆنا گالیپۆلیێ ل توركیا و ئارمانجا وان ب وێ گاڤێ ل وی سه‌رده‌می دژایه‌تییا ئیسلامێ بوو.

بابه‌تێن ب ڤێ مژارێ ڤه‌ گرێدای