ئه‌ردۆغان: گۆتنێن پۆتینی ل دۆر كوردستانێ ترانه‌ بوون

ئه‌ردۆغان: گۆتنێن پۆتینی ل دۆر كوردستانێ ترانه‌ بوون

WAAR-دهۆك:

سه‌رۆككۆمارێ توركیا ل دۆر راگرتنا په‌ترۆلا هه‌رێما كوردستانێ، به‌رسڤا سه‌رۆكێ رۆسیا دا و راگه‌هاند؛ ئه‌وا بریارا راگرتنێ دده‌ت توركیایه‌ نه‌ك رۆسیا و گۆتنێن پۆتینی ب ترانه‌ ناڤكرن.
د ده‌مێ ڤه‌گه‌ریانا خوه‌ دا ژ ئیرانێ، ره‌جه‌ب ته‌یب ئه‌ردۆگانی به‌رسڤا پرسێن رۆژنامه‌ڤانان دا و گۆتنێن ڤلادیمێر پۆتین سه‌رۆكێ رۆسیا ل دۆر كوردستانێ ب ترانه‌ ناڤكرن و گۆت: ئه‌وا بریارا راگرتنا هنارتنا په‌ترۆلا هه‌رێما كوردستانێ دده‌ت توركیایه‌ نه‌ك رۆسیا، له‌و ب هه‌ماهه‌نگی دگه‌ل ئیران و ئیراقێ، توركیا دێ وێ بریارێ ده‌ت.
ئه‌ردۆگانی گۆت ژی: كه‌سێن رێفراندۆم كری دێ باجا وێ ده‌ن و هه‌ر ژ نها وان دگه‌ل ئیرانێ ده‌ست ب رێككه‌فتنه‌كا نوو كرییه‌ بۆ وێ یه‌كێ هه‌موو بارهه‌لگرێن بازرگانی یێن د هه‌رێمێ را ده‌ربازی ئیراقێ دبوون، ژ ئه‌ڤرۆ وێڤه‌ ب رێیه‌كا دی ده‌ربازببن.
ده‌رباره‌یی ده‌ڤه‌رێن كوردستانی یێن ژ ده‌رڤه‌یی ئیداره‌یا هه‌رێمێ ژی، سه‌رۆكێ توركیا گۆت: ژماره‌یه‌كا مه‌زن یا توركومان و كرستیان و ئێزدی و عه‌ره‌بان ل وان ده‌ڤه‌ران دژین، له‌و نابیت كێشه‌ ل وان ده‌ڤه‌ران دروست ببن و هزر د شه‌ڕی دا بهێته‌ كرن.
ڤلادیمێر پۆتین سه‌رۆكێ رۆسیا، دوهی د كۆربه‌ندێ تێهنا رۆسیا دا ل مۆسكۆ، باس ل ئه‌گه‌رێ راگرتنا په‌ترۆلا كوردستانێ كر و گۆت: د به‌رژه‌وه‌ندییا چ كه‌س و ئالییان دا نینه‌ په‌یوه‌ندیێن خوه‌ یێن ئابووری دگه‌ل كوردستانێ ببڕیت و راگرتنا په‌ترۆلا هه‌رێمێ دێ بهایێ په‌ترۆلێ بلندكه‌ت، له‌و نابیت كاره‌كێ وه‌ها بهێته‌ كرن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.