ئه‌ردۆغانی سۆزا گوهرینان دا

ئه‌ردۆغانی سۆزا گوهرینان دا

WAAR-دهۆك:

سه‌رۆكێ توركیا ئه‌ڤرۆ سۆز دا بۆ خوه‌ وانه‌یه‌كێ ژ ئه‌نجامێن هه‌لبژارتنێن سته‌نبۆلێ ببینیت و ل گۆری په‌یاما خه‌لكی گوهرینان بكه‌ت.
ره‌جه‌ب ته‌یب ئه‌ردۆغانی ئه‌ڤرۆ د گۆتاره‌كێ دا بۆ په‌رله‌مانتارێن پارتیا خوه‌ ئاكه‌پێ پیرۆزباهی ل سه‌ركه‌فتنا به‌ربژارێ ئۆپۆزسیۆنێ د هه‌لبژارتنێن دوباره‌ یێن شاره‌داریا سته‌نبۆلێ دا كر و هیڤی خواست ئه‌و یه‌ك به‌خته‌كێ باش بۆ توركیا بینیت.
ئه‌ردۆغانی گۆت: ئه‌و نه‌شێن په‌یاما خه‌لكی پشتگوهـ بهاڤێژن و ئه‌و ده‌نگده‌رێن پارتیا خوه‌ پشتراست دكه‌ت كو ئه‌و راستڤه‌كرنێن پێدڤی بن دێ هێنه‌ كرن.
هه‌روه‌ها گۆت ژی: گه‌ر راستڤه‌كرن د كابینا حكوومه‌تێ دا پێدڤی بن ئه‌و دێ كه‌ن ژبه‌ركو كاره‌كێ به‌رئاقل نینه‌ ئه‌و ل سه‌ر هه‌مان ئه‌جێندایا به‌ری نها بمینن، لێ ب چ ره‌نگه‌كی ئه‌و فه‌رمانان وه‌رناگرن و سه‌پاندنا گوهرینان ل گۆره‌ی حه‌زێن ده‌ره‌كی قه‌بوول ناكه‌ن.

بابه‌تێن ب ڤێ مژارێ ڤه‌ گرێدای